Метроны зөвлөх үйлчилгээний тендертэй холбоотой асуудлаар Хотын дарга Х.Нямбаатар мэдээлэл хийлээ. Тэрбээр "Метроны бүтээн байгуулалтыг эхлүүлэх шийдэрийг өнгөрсөн гуравдугаар сард НИТХ-аас гаргаж. Улмаар метро барих нийт өртгийг баталсан. Үүнтэй холбоотой хоёр үе шаттай тендерийн сонгон шалгаруулалт хийж байгаа.

     Нэгдүгээр үе шат нь мөн хоёр үе шаттай. Тодруулбал, Улаанбаатар хотын метро барих төслийн зөвлөх үйлчилгээний багийг сонгон шалгаруулах буюу TMC-г шалгаруулах юм. Энэ үе шат өнөөдөр дуусгавар болж байна. Зөвлөх үйлчилгээний багийг шалгаруулах тендерт 11 улсын 20 компани оролцох сонирхлоо илэрхийлжээ. Ингээд үнэлгээний хороо хуралдаж энэ сарын 25 гэхэд 20 компанид TMC- урилга хүргүүлнэ. Ингээд ажлын 20-с доошгүй хоногт сонгон шалгаруулалт явуулж нэг компанийг зөвлөх үйлчилгээний багаар сонгох юм. Шалгарсан компани нь Улаанбаатар метро төслийн тендерийн жишиг баримтыг боловсруулж, хүлээлгэх өгнө. Үүний дагуу үндсэн инженеринг болон гүйцэтгэгчийг шалгаруулах хоёр дахь үе шатыг эхлүүлнэ" гэлээ.