УИХ-ын хаврын чуулган нээлтэй хийлээ. Энэ удаагийн чуулган 2020 оны сонгуулийн үр дүнгээр бүрдсэн парламентын отгон чуулган болж байна. Чуулганы хуралдаанд Ерөнхий сайд болон Ерөнхийлөгчийн Тамгын газар, УИХ-д ажлаа тайлагнадаг байгууллагууд, дипломат төлөөлөгчийн газрын төлөөлөгчид биечлэн оролцож байна. Чуулганыг нээж УИХ-ын дарга Г.Занданшатар үг хэллээ.

        Тэрбээр "Хаврын отгон чуулган нээлтэй хийж байна. Төр түмнийхээ итгэлээр сонгогдсон УИХ-ын эрхэм гишүүд та бүхний, парламентын онцгой чухал ач холбогдолтой чуулган байх ёстой. Өнгөрсөн дөрвөн жилийн хугацаанд тогтолцооны томоохон реформ хийсэн ажлуудаа гүйцээх хэрэгтэй. Ард түмнийг төлөөллийг нэмэгдүүлэх ажлын хүрээнд бид Чингис хаан танхимд хуралдаж байна. Энэ удаагийн парламент ачааны хүндийг үүрч, олон жил гацсан тогтолцоо, засаглалын хүндрэлийг засаж чадлаа" гэлээ.