“Улаанбаатар-Бүсчилсэн хөгжил” форум Төрийн ордонд болж байна.

     Энэ үеэр Нийслэлийн Засаг дарга асан Э.Бат-Үүл "Гэр хорооллын дахин төлөвлөлт гэдэгт ямар алдаа байсан бэ гэдгийг тодорхой ярихгүй байна. Одоо ярьж байгаа зүйлийг харахаар хүчээр суурьшуулж, хүчээр газрыг нь авах захиргаадалтын арга хэрэгсэл хэрэглээд газрыг нь төлөвлөнө гээд байна. Тухайн айлын хашааг хоёр өрөө байраар өгье гээд санал тавиад байх шиг байгаа юм. Гэтэл зах зээлийн эрэлтээс шалтгаалаад тухайн газартаа иргэн хаус баримаар байгаа бол яах вэ. Өнөөдөр бид нэг зүйлийг ойлгох хэрэгтэй.

      Гэр хороолол гээд байгаа чинь Үндсэн хуулиар газар нь баталгаажсан хэр нь хашааны газар нь үнэ цэнгүй болчихсон газрын эзэд байгаа юм. Хот газрын эзэдтэй түншлэх болохоос тулган шаардаж болохгүй. Нэг ёсондоо Хятад, Солонгост хэрэгжүүлж байсан захиргаадалтын аргыг хэрэглэх гээд байна. Өмнө нь бид Япон маягийн аргаар буюу энэ гэр хорооллын айлууд руу дэд бүтцийг нь татаж өгье гэсэн байдлаар хийх гэж байсан юм. Ингээд хот дэд бүтэцтэй хашааны газар дээрээ орон сууц бариад өгвөл, сургууль, эмнэлэг барьчихвал ипотекийн хөнгөлөлттэй зээлээ өгье гэдэг байдлаар газраа түншлэх ёстой юм" гэлээ.