Засгийн газрын хуралдаанаас гаргасан зарим шийдвэрийн талаар Шадар сайд С.Амарсайхан мэдээлэл хийж байна.

       Тэрбээр "Улсын хэмжээнд ойролцоогоор дөрвөн сая орчим мал хорогдоод байна. Харин үхсэн малын сэг зэмийг нийслэлд оруулж, хэрэглээнд нэвтрүүлэх ямар боломжгүй. Энэ талаар цагдаа тагнуулын болон холбогдох албаныхан хяналт тавин ажиллаж байгаа. Малчдын хувьд ямар хүндрэлтэй нөхцөл үүсээд байна вэ гэхээр цас их орсны улмаас зам даваа хаагдаж явах боложмгүй байсан бол цаг агаар дулаарч цас хайлснаар малын хэвтэр бууц норох, усанд автах эрсдэл байна. Ахуйн асуудал хүндэрч, амь нас, эрүүл мэндээ хамгаалах шаардлага үүсээд байна. БЗД-ийн 26 дугаар хороонд гарсан ахуйн хийн дэлбэрлэлтийн асуудлыг шалгаж байна. Хууль хяналтын байгууллага хэргийн газар дээрх шалгалтуудаа хийж дууссан. Одоо хөндлөнгийн шинжээчдийн дүгнэлтийг хүлээж байна. Өөрөөр хэлбэл, тухайн үед автомашин техникийн шаардлага хангасан байсан эсэх, тухайн орчинд ямар стандарт алдагдсан бэ гэдэг дээр хөндлөгийн шинжээчид ажиллаж байна. Харин тухайн байр орон сууцны ашиглалт, галын улмаас уян хатан чанар алдагдсан эсэх дээр Барилга хот байгуулалтын яамныхан мэргэжлийн хүмүүстэй хамтарч шалгалтаа хийж дууссан. Харин ШУТИС-ийн лабораторит армартур, битоны болон бусад хийц бүтээцийн шинжилгээг хийж байна. Өнгөрсөн долоо хоногийн баасан гарагт өгсөн мэдээллээр 10 хоногийн дотор дүгнэлт гарна гэсэн. Ингээд дөрөвдүгээр сарын 1 гэхэд дэлбэрэлттэй холбоотой бүх дүгнэлт гарч дуусна. Засгийн газрар, нийслэлийн төсвөөс дэлбэрэлтэд өртсөн 63 айлын орон сууцыг засварлах хөрөнгийг гаргахаар болсон. Дүгнэлт гараад завсарлах боломжтой бол засна" гэлээ.