Засгийн газрын хуралдаанаар орон нутгийн малчдад тусламж, үйлчилгээг шуурхай хүргэх зорилгоор зарим сумдын Засаг даргын Тамгын газарт автомашин худалдан авахад шаардагдах 15 тэрбум төгрөгийг Засгийн газрын нөөц сангаас гаргахаар шийдсэн.

       Уг шийдвэрийн дагуу Төв, Дундговь, Дорноговь аймгийн өвөлжилт хүндэрсэн сумдад туулах чадвар сайтай автомашинуудыг гардуулав. Машинуудыг MSM групп, Хюундэй, Ниссан компаниас хөнгөлөлттэй үнээр худалдан авчээ. Машины түлхүүрийг аймаг, сумдын Засаг дарга нарт гардуулав. Шадар сайд САмарсайхан "Өнөөдрийн байдлаар нийт гурван сая мал хорогдоод байна. Өмнө нь аймгуудад пургон, УАЗ машин нийлүүлэхэд жилийн дараа эвдэрч байсан. Иймд энэ удаад Форд, Ниссан брэндийн машинууд нийлүүлж байна. Түлхүүр гардсан жолооч нар замдаа сайн яваарай. Засгийн газрын хүсэлтээр хөнгөлөлттэй үнээр 100 машин нийлүүлсэн ААН-д талархаж байна" гэв.  Хэмнэлтийн хуулийн дагуу өнгөрсөн 2-3 жилд сумдын машиныг шинэчлээгүй байна. Ирэх долоо хоногт 60 сумын эмнэлэгт мөн машин нийлүүлнэ.