Хөгжмийн зохиолч А.Энхтайваны нэрэмжит олон улсын мэргэжлийн дуучдын уралдаан энэ сард болно. Тодруулбал, Монгол Улсын Ардын жүжигчин, дуурийн дуучин, хөгжмийн зохиолч А.Энхтайваны нэрэмжит мэргэжлийн дуучдын олон улсын анхдугаар уралдааныг энэ сарын 23-27-нд Монгол Улсын Консерватори, Дуурь бүжгийн эрдмийн театрт зохион байгуулах байна.

      Тэрбээр "Балжийн гол", "Ээжийнхээ ачийг яалаа даа", "Хан Хэнтий уул минь", "Ононы шугуй" зэрэг бүтээлийн хөгжмийг зохиосон юм. Түүнээс гадна "Үүлэн заяа" дуурийн Төмөртөр хаан, Д.Нацагдоржийн "Гэсэр"-ийн Гэсэр, Б.Дамдинсүрэнгийн "Учиртай гурван толгой"-н төвд худалдаачин, Ж.Вердийн "Реголетто" дуурийн Герцог зэрэг үндэсний болон сонгодог бүтээлийн гол дүрд амжилттай дуулж байсан билээ.