45 настай хятад иргэний биед дөрвөн иргэн халдаж, 1.2 тэрбум орчим төгрөгийг дээрэмдсэн онц ноцтой гэмт хэрэг өчигдөр гарсан. Тус хэрэгтэй холбоотойгоор Эрүүгийн цагдаагийн албанаас мэдээлэл өгсөн юм. Энэ үеэр "Цагдаагийн байгууллагын албан хаагчид шуурхай ажиллаж, дөрвөн иргэнийг баривчилсан. Мөн 840 орчим сая төгрөгийг хураан авсан байгаа. Уг хэргийг үйлдсэн байж болзошгүй этгээдүүдийг хойшлуулалгүйгээр баривчилж, саатуулсан. Тус этгээдүүдээс нэг ширхэг гар буу хураан авсан” гэх мэдээлэл өгсөн. Мөн бусад эх сурвалжийн мэдээллээр "1.2 тэрбум орчим төгрөгөө дээрэмдүүлсэн хятад иргэн автозамын компанийн хөрөнгө оруулагч байсан гэх урьдчилсан мэдээлэл бий" гэв.  Тэрбээр арванхоёрдугаар сарын 28-нд арилжааны банкнаас бэлэн авсан байж болзошгүй байна.