Коронавирус халдварын дөрөвдүгээр давлагаа эхэлсэнтэй холбоотойгоор Эрүүл мэндийн сайдын тушаалаар “Өргөө” амаржих газар улаан бүсдээ 300 ор нэмэлтээр дэлгэжээ. Үүний хэрээр хэвтэн эмчлүүлж буй иргэдийн тоо өдөр бүр нэмэгдэж, эмч, эмнэлгийн ажилчид ачаалалтай ажиллаж байна. Тус эмнэлгийн улаан бүсэд одоогийн байдлаар 247 хүн эмчлүүлж байгаа. Мөн 11 эмч, сувилагчийн бүрэлдэхүүнтэй гурван баг ээлжээр ажиллаж байгаа билээ.