1917 оноос хойш жил бүр сэтгүүл зүй, утга зохиолын салбарын шилдгүүдийг тодруулж ирсэн Пулитцерийн шагнал өнгөрсөн зургадугаар сард 104 дэх жилийнхээ шилдгүүдийг тодруулсан билээ.

Хэвлэлийн эрх чөлөө

          Нэрт сэтгүүлч Жозеф Пулитцерийн нэрэмжит шагналыг 1917 онд сэтгүүл зүйн жишгийг өндөр өргөх, алдаршуулахад зориулан үүсгэжээ. Пулитцерийн шагналыг жил бүр Колумбын их сургуулиас тодруулж, 15 мянган ам.доллар болон үнэ бүхий зүйлээр шагнадаг. Сэтгүүл зүйн бүтээлд энэ хэмжээний шагналыг олгож байгаа нь "Чөлөөт хэвлэлийг дэмжихийн тулд мөнгөн туслалцаа үзүүлж байна" хэмээдэг байна.

Жозеф Пулитцер сэтгүүлч болохоосоо өмнө улстөрч байжээ

          Дэлхийн хамгийн алдартай сэтгүүлчдийн нэг болох Жозеф Пулитцер сэтгүүлч болохоосоо өмнө улстөрч байсан гэнэ. Түүний улстөрийн түүхтэй холбоотой нэгэн сонирхолтой баримт байдаг нь хүн рүү санаатайгаар буудсан явдал. Тэрээр 1870 онд барилгын ажил гүйцэтгэгчтэй маргалдах үеэрээ буу гаргаж ирж буудсан юм. Тухайн үед Жозеф Пулитцерт торгууль ногдуулж, улстөрийн албан тушаалаа авч үлдэхийг нь зөвшөөрсөн байдаг.

Пулитцерийн шагнал “Mockingbird” зохиолыг алдаршуулсан нь

          Америкийн зохиолч Харпер Лигийн “Mockingbird” зохиолыг мэдэхгүй хүн өнөө цагт ховор. Анх түүний “Mockingbird” зохиол хэвлүүлсэн ч, тэр бүр уншигчид мэддэггүй байж. Харин Харпер Лигийн “Mockingbird” зохиол Пулитцерийн шагнал хүртсэнээрээ алдаршиж, ном нь 40 орчим хэл дээр 40 сая гаруй хувь борлуулагдаж, зохиолч Харпер Ли гурав сая орчим ам.долларын ашиг олжээ.

Пулитцерийн шагнал хүртсэн цорын ганц Африк-Америк гаралтай хүн

          Пулитцерийн шагнал хүртсэн цорын ганц Африк-Америк гаралтай хүн бол яруу найрагч Гвендолин Брукс. Тэрээр өөрийн хоёр дахь “Анни Аллен” яруу найргийн номоохоо 1950 онд Пулитцерийн шагналыг хүртжээ. Нэгэн удаа нэрт яруу найрагч Гвендолин Брукс Пулитцерийн шагнал хүртсэн талаараа “Энэ шагналаар шагнуулсан минь миний амьдралыг өөрчилсөн. Намайг, миний бүтээлийг ч олон хүн мэддэг болсон” хэмээж байжээ.

Дөрвөн удаагийн Пулитцерийн шагналтнууд

          Пулитцерийн шагналыг хамгийн олон хүртсэн нь дөрвөн удаа хүртсэн байдаг. Гэвч дөрвөн удаа хүртсэн амжилт ганц хүнийх бус, дөрвөн хүн энэ амжилтад хүрчээ. Кэрол Гузи гэрэл зургийн бүтээлээрээ, Роберт Фрост яруу найргийн бүтээлээрээ, Южин О’Нил жүжгийн бүтээлээ, Роберт Шервуд хөрөг, ярилцлагын бүтээлээрээ тус тус дөрвөн удаа хүртсэн байдаг.

АНУ-ын Ерөнхийлөгч Пулитцерийн шагналт хүртэж, уг шагналын түүхэн дэх хамгийн их маргааныг дагуулав

          АНУ-ын 35 дахь Ерөнхийлөгч Жон Кеннеди 1957 онд Пулитцерийн шагнал хүртсэн нь уг шагналын түүхэн дэх хамгийн их маргаан дагуулсан үйл явдал болжээ. Жон Кеннеди 1957 онд “Profiles in Courage” номоороо Пулитцерийн шагнал хүртсэн. Гэсэн ч дэлхий нийтээр Пулитцерийн шагнал гардуулах хороог шүүмжилж, Кеннедиг өөрөө номоо бичээгүй хэмээн шүүмжилж байв. Харин АНУ-ын 35 дахь Ерөнхийлөгч Жон Кеннедиг нас барснаас гурван жилийн дараа түүний туслахыг бичсэн болохыг нууц баримт дэлгэжээ. Гэсэн ч номын ерөнхий санаа, сэдвийг Жон Кеннеди гаргаж, номыг дэлгэрүүлж бичсэн нь түүний туслах Тед Соренсон байсан аж.

Пулитцерийн шагналыг сэтгэцийн өвчтэй хүнд гардуулсан

          XX зууны Америкийн хамгийн алдартай яруу найрагчдын нэг болох Луис Симпсон 1964 онд утга зохиолын төрөлд Пулитцерийн шагнал хүртсэн. Гэсэн ч нэрт яруу найрагчийг үнэлж олгосон бүтээлүүд нь дэлхийн II дайнаас өмнөх бүтээлүүд байсан. Луис Симпсон дэлхийн дайнд оролцож, гэмтэл авсны дараагаар сэтгэцийн өвчтэй болсон байдаг.

Пулитцерийн шагнал олгох хорооноос шийдвэрээ өөрчилж, шагналаа буцааж аван өөр хүнд олгосон нь

          Сэтгүүлч Бретт Блэкледж 2007 онд Алабамагийн коллежийн хоёр жилийн тогтолцооны маргаан, хамаатан садны албан тушаалын холбоо, авлигыг илрүүлсэн цуврал бүтээлээрээ Пулитцерийн шагнал хүртэж байв. Гэсэн ч Пулитцерийн шагнал олгох хорооноос шийдвэрээ өөрчилж, Бретт Блэкледжээс шагналыг нь эгүүлэн татаж, оронд нь өөр нэгэн эрэн сурвалжлах сэтгүүл зүйн бүтээлд олгосон байдаг.

Хоёр жил дараалан Пулитцерийн шагнал хүртсэн шог зураач

          Америкийн “Консерватив” агентлагийн шог зураач Нелсон Хардинг хоёр жил дараалан Пулитцерийн шагнал хүртсэн цор ганц хүн. Тэрбээр Пулитцерийн шагналыг 1927, 1928 онд хүртсэн бөгөөд эхний жилдээ хүүхэлдэйн киноны зургийн бүтээлээрээ хүртсэн бол, дараагийн жил нь улстөрийн радикал, террористуудыг хөгжилтэй байдлаар дүрсэлсэн бүтээлүүдээрээ шагнуулсан байна.

Пулитцерийн шагнал хүртсэн цорын ганц хөгжимчин

          АНУ-ын дуучин, зохиолч, найруулагч Боб Дилан 2008 онд Пулитцерийн шагнал хүртэж, уг шагналыг хүртсэн цорын ганц хөгжимчин болжээ. Түүний хөгжим орчин үеийн урлагийг хөгжүүлэхэд чухал хувь нэмэр оруулсныг нь үнэлэн Пулитцерийн шагнал олгосон нь тус шагналыг түүхэн товчоонд хамгийн сонирхолтой байдлаар дурсагдан үлдсэн аж. Мөн Боб Дилан нь 2000 онд Оскарын утга зохиолын шагнал хүртсэн цор ганц хөгжимчин болж байв