• Өнөөдөр 2026-07-20

Улсын ерөнхий прокурорын газарт өнгөрсөн сард 838,576 зөрчил бүртгэгджээ

2026-06-04,   377

        Зөрчлийн бүртгэл мэдээллийн нэгдсэн санд улсын хэмжээнд 2026 оны эхний тавдугаар сарын байдлаар нийт 3.599,468 зөрчил бүртгэгдсэн нь өмнөх оны мөн үеэс 57.3 хувиар өсжээ. Үүнээс 838,576 зөрчил нь өнгөрсөн тавдугаар сард шинээр бүртгэгдсэн байна.
 
    Тавдугаар сард бүртгэгдсэн зөрчлийн 89.9 хувь нь Нийслэлд, 10,1 хувь нь орон нутагт бүртгэгджээ. Үүнээс 99.5 хувийг Цагдаагийн байгууллага, 0,4 хувийг Гааль, Татвар, Гадаадын иргэн, харьяатын газар зэрэг бусад байгууллагын эрх бүхий албан тушаалтнууд зөрчил шалган шийдвэрлэх ажиллагааг явуулжээ.
 
    Бүртгэгдсэн нийт зөрчлийн 97.6 хувийг газар дээр нь, 1.0 хувийг хялбаршуулсан журмаар, 0.08 хувьд нь зөрчлийн хэрэг бүртгэлтийн ажиллагаа явуулж, эрх бүхий албан тушаалтан шийтгэл оногдуулсан бол 0.3 хувьд нь шүүхээс шийтгэл оногдуулж шийдвэрлэсэн байна.
 
2026 оны тавдугаар сард зөрчил гаргасан 798,942 хүнд шийтгэл оногдуулсан нь өмнөх сараас 0.4 хувиар, 36,659 хуулийн этгээдэд шийтгэл оногдуулсан нь өмнөх сараас 3.8 хувиар тус тус өсжээ. Эрх бүхий албан тушаалтнаас зөрчлийн хэрэг бүртгэх ажиллагаа явуулж, шийтгэл оногдуулсан зөрчлийн холбогдогчийн 76.4 хувь нь эрэгтэй, 23.6 хувь нь эмэгтэй, 30.4 хувь нь 36-45 насны хүмүүс байна.
 
Зөрчлийн улмаас хүн, хуулийн этгээд, төр, нийтийн ашиг сонирхолд нийт 9,6 тэрбум төгрөгийн хохирол учирснаас 3,2 тэрбум төгрөгийн хохирлыг нөхөн төлүүлсэн.
 
     Зонхилон үйлдэгдсэн зөрчлийг өмнөх сартай харьцуулахад, автотээврийн тухай хууль зөрчих зөрчил 2762 бүртгэгдсэн нь 5.4 хувиар, нийтийн зориулалттай орон сууцны оршин суугчдын амгалан тайван байдлыг алдагдуулах зөрчил 530 бүртгэгдсэн нь 10.9 хувиар, жолоочийн даатгалын тухай хууль зөрчих зөрчил 2793 бүртгэгдсэн нь 33.6 хувиар, олон нийтийн газарт зүй бусаар биеэ авч явах зөрчил 12853 бүртгэгдсэн нь 8.8 хувиар, замын хөдөлгөөний аюулгүй байдлын тухай хууль зөрчих зөрчил 806,345 бүртгэгдсэн нь 0,12 хувиар тус тус буурсан бол танхайрах зөрчил 2579 бүртгэгдсэн нь хоёр дахин өссөн байна.

Улсын ерөнхий прокурорын газарт өнгөрсөн сард 838,576 зөрчил бүртгэгджээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.