Сүүлийн жилүүдэд цахилгаан моторт дугуй болох скүүтер, суррон, мопедын хэрэглээ нэмэгдэхийн хэрээр осол, гэмтлийн тоо огцом өсөх хандлагатай байна.

2022-2024 оны хооронд улсын хэмжээнд цахилгаан дугуйнаас үүдэлтэй нийт 887 осол, гэмтэл бүртгэгджээ. Харин 2024 онд гэхэд л суррон, скүүтер, мопедоос шалтгаалсан 532 осол гарч, гурван хүн амь насаа алдсан байна. Тэгвэл 2025 оны есдүгээр сарын байдлаар осол гэмтлийн тоо 1561-д хүрч, өмнөх оноос даруй гурван дахин өсжээ.

Эмч нарын мэдээлснээр, осолд өртөгсдийн 60 хувь нь 0-18 насны хүүхэд байгаа бөгөөд зарим тохиолдолд хүүхдүүд хөдөлмөрийн чадвараа бүрмөсөн алдах хэмжээнд хүрч байгааг онцолж байна. Мэргэжлийн байгууллагууд цахилгаан моторт тээврийн хэрэгслийг зөв зохистой ашиглах, хамгаалах хэрэгсэл бүрэн өмсөх, хүүхдүүдийг насанд хүрэгчдийн хяналтгүйгээр хэрэглэхгүй байхыг зөвлөж байна.