Уг төслийн ерөнхий зохицуулагчаар Отгонтэнгэр Их Сургууль ажиллаж байгаа бөгөөд Европоос Румыны  Трансилваний Их Сургууль, Италийн Палермогийн ИС зэрэг гурван их Сургууль, Монгол Улсын Монгол Улсын Боловсролын Их Сургууль, МУИС-ийн Зүүн Бүсийн Сургууль, Хангай  Дээд Сургууль, Дархан Дээд Сургууль зэрэг Монголын таван их сургууль, Боловсролын яам, Боловсролын ерөнхий газар, Боловсролын судалгааны үндэсний хүрээлэн гурван байгууллага хамтран ажиллаж, гурван жилийн хугацаанд хэрэгжүүлэх юм байна. 

   Төслийн үр дүнд Европын багшийн боловсролын бодлого, сургалтын шинэ аргачлалаас суралцаж, МУ-ын 2032 он хүртэлх “Багшийн боловсролын  стратеги, ногоон хөгжил, дижитал шилжилтэд нийцсэн сургалтын хөтөлбөрүүдийг боловсруулахаас гадна холбогдох байгууллагуудын ажилтнуудын чадавхыг дээшлүүлж, багшийн мэргэжлийн тасралтгүй хөгжлийн шилдэг туршлагыг Монгол Улсад нутагшуулах юм.

     Төслийн нээлтэд оролцогч байгууллагуудын төлөөлөл 70 орчим багш, ажилтан, судлаачид оролцож, байгууллага, үйл ажиллагаагаа танилцуулж, Төслийн Удирдлагын бүтэц, Түншлэлийн гэрээ, төсөв санхүү, төслийн ажлын түгээн дэлгэрүүлэлт, чанарын хяналт, баталгаажуулалт, жилийн ажлын нарийвчилсан төлөвлөгөө, дараагийн зохицуулах уулзалтын тов зэргийг хэлэлцэж, өнөө маргааш хоёр өдөр үргэлжлэх юм байна.