УИХ-ын гишүүн асан Ж.Батзанданг Хөгжлийн банкны асуудалтай холбогдуулан нэг сар цагдан хорихоор шүүхээс шийдвэрлэсэн. Тэгвэл Ж.Батзандан эмнэлгийн хяналтад байх шаардлагатай гэж хүсэлт гаргасан талаар ХЗДХ-ийн сайд Х.Нямбаатар мэдээлэл өглөө.      

  Тэрбээр " Ж.Батзандан бид хоёр найзууд, олон жил хамтдаа шүүмжилж, тодорхой үр дүн хүрсээр ирсэн. Түүнтэй холбоотой асуудлаар эрүүгийн хэрэг үүсгээд, яллагдагчаар татаад, хойшлуулшгүйгээр 48 цагаар саатуулсан. Мөн нэг сарын хугацаанд таслан сэргийлэх шүүхийн шийдвэрийг би сонссон. Ж.Батзандангийн  биеийн байдал ямар байгааг өмгөөлөгчөөс нь асуусан. Өнгөрсөн хавар хоёр удаа ходоодны дурангийн хагалгаанд орсон учир дотогшоогоо цус шүүрэх магадлалтай тул боломжтой бол эмнэлгийн тусламж, үйлчилгээ үзүүлээч гэх хүсэлтийг Шүүхийн шийдвэр гүйцэтгэх газарт хүргүүлсэн гэдэг мэдээлэл л байна. Тэрнээс би  өөрөө очсон, холбогдсон зүйл байхгүй. АТГ шалгалтын ажлаа явуулаад эргээд мэдэгдэх байх" гэлээ.