Нийслэлийн Засаг Даргын Тамгын газар, нийслэлийн Боловсролын Газар, нийслэлийн Гэр бүл, хүүхэд, залуучуудын Хөгжлийн газар, “Зөв эр хүн” НҮТББ хамтран нийслэлийн ерөнхий боловсролын сургуулийн ахлах ангийн хөвгүүдийн дунд  “Boys meeting” үйл ажиллагааг есдүгээр сарын 09-ний өдөр зохион байгуулсан.

    Тус уулзалт зөвлөгөөнөөс “Нийслэлийн хөвгүүдийн зөвлөл” байгуулж, ажиллах бүтэц, чиг үүргээ тодорхойлохоос гадна зорилготой хөвгүүд, эрүүл хөвгүүд төслүүдийг эхлүүлэх санаачилга гарч, албан ёсоор “Нийслэлийн хөвгүүдийн зөвлөл”-ийг байгуулсан билээ.

    Нийслэлийн хөвгүүдийн зөвлөл нь хѳвгүүд, залуучуудад амьдралын зѳв дадал бүхий эрүүл зѳв иргэдийг төлөвшүүлэх алсын хараа бүхий хѳвгүүдийн сургалт болон нийгэмд тустай, идэвхитэй эрүүл амьдралын хэвшил суулгахад зориулсан үйл ажиллагаа явуулахын зэрэгцээ хөвгүүдийн дууг хоолойг иргэний нийгэмд хүргэх, жендэрийн мэдрэмжтэй нийгэмд өөрсдийн өнцгийг зөвөөр илэрхийлэх төлөөлөл болох юм.Хөвгүүдийн зөвлөл нь дүүрэг, ерөнхий боловсролын сургууль тус бүрд байгуулагдаж, хөвгүүдэд тулгамдаж буй асуудал, цаашдын үйл ажиллагааны талаар уулзалт, ярилцлагуудыг тогтмол хийж, үйл ажиллагаагаа өргөжүүлсээр байна.