Нийслэлийн “Өргөө” амаржих газрын захирал Ж.Энхцэцэгийг эрх мэдэл, албан тушаалын байдлаа урвуулан ашиглаж, бусдаас авлига авсан гэх  хэргээр АТГ-аас шалгаж  байгаа гэх мэдээлэл гарсан. Тодруулбал, 2021 оны гуравдугаар сард тус эмнэлгийн захирлаар томилогдсон түүнийг харьяаллын бус эхчүүдээс мөнгө авч, төрөх зөвшөөрөл өгсөн гэдэг. Үүнтэй холбоотойгоор түүнийг АТГ-т шалгуулж байгаа эсэх талаар өөрөөс нь тодрууллаа.

       Тэрбээр “Би өнөөдрийг хүртэл АТГ-т шалгуулж үзээгүй байна. Надад хуулийн байгууллагад шалгуулах ямар ч шалтгаан байхгүй. Төрийн байгууллагаас болон төрөх эмэгтэйчүүдээс 300 мянган төгрөг байтугай гурван төгрөг ч авч үзээгүй гэдгийг ам бардам хэлнэ. Мөн мэргэжлийнхээ хувьд ёс зүйн ямар ч зөрчил гаргаагүй” гэв.