Сэлэнгэ аймгийн Шаамар сумын Охиндий багийн “Орхон голын гүүр” гэх газар “Приус-20” загварын суудлын автомашин гүүрний хашлага даван унаж, живжээ. Дуудлагын дагуу өчигдөр 08:13 цагт Онцгой байдлын газрын Эрэн хайх, аврах ангийн алба хаагчид дөрвөн км замыг туулан очиход, иргэн Ш-ийн “Тоёота Приус -20” загварын суудлын автомашин Орхон голын усанд живсэн байжээ. Аврах багийнхан  30 минут ажиллаж автомашиныг татан гаргасан. Тус автомашины жолооч Ш 31 настай эрэгтэйг эрэн хайх ажиллагааг 19:30 цаг хүртэл осолдсон газраас хойд зүгт 32 км/-т Шаамарын салаа гэдэг газар хүртэл завиар урсаж, мөн гурван метрийн гүнд дөрвөн удаа шумбалт хийжээ. Харин өнөөдөр 08:00 цагт эрэн хайх ажиллагааг эхлүүлсэн байна.