Гэрээсээ гараад сураггүй болсон хүүхдийг эсэн мэнд олжээ. Тодруулбал, Ховд аймгийн Ховд сумын Баянбулаг багийн Эхэн худаг гэдэг газар тус сумын харьяат дөрвөн настай А өчигдөр 10:00 цагийн орчимд гэрээсээ гараад сураггүй болсон тухай дуудлага тус аймгийн Онцгой байдлын газарт иржээ. Дуудлагын дагуу Ховд аймгийн Онцгой байдлын газрын алба хаагчид эрэн хайх ажиллагааг зохион байгуулахаар болжээ. Албан хаагчдыг очихоос өмнө тус сумын иргэд  Шар хөтөл гэх газраас сураггүй алга болсон хүүхдийг эсэн мэнд олсон тул Онцгой байдлын газрын албан хаагчдыг замаас нь буцаасан байна.