“Нийтийн буюу сургуулийн хөл бөмбөг” хөтөлбөрийг Монголын хөл бөмбөгийн холбоо, Олон улсын хөл бөмбөгийн Холбоо, Боловсрол, шинжлэх ухааны яам хамтран хэрэгжүүлнэ. 2027 он хүртэл хэрэгжих хөтөлбөрийн хүрээнд дараах ажлуудын хийхээр санал солилцжээ. Үүнд:

• 21 аймагт Азийн хөл бөмбөгийн холбооны “С” дасгалжуулагч багш бэлтгэх
• Сургууль бүрийн нэг биеийн тамирын багшийг хөл бөмбөгийн багш, дасгалжуулагч болгон сургах
• Хөл бөмбөгийн онлайн хичээлийг аппликейшнаар дамжуулан багш нарт хүргэх
• 2100  бөмбөгийг сургуулиудад хүргэх
• “Хамаг Монгол” сургуулийн хөл бөмбөгийн тэмцээнийг жил бүр зохион байгуулах зэрэг ажлуудад санамж бичиг байгуулан хамтран ажиллах юм.

Сургуулийн хөл бөмбөгийн орчинг сайжруулах зорилгоор 79, 24 дүгээр сургууль болон Техник технологийн дээд сургуулийн хөл бөмбөгийн талбайг олон улсын стандартын дагуу тохижуулсан байна. 2022 онд 52, 34, 28, II, “Оюуны Ундраа” цогцолборын талбайг засварлахаар төлөвлөжээ. 

            Сургуулийн орчинд хөл бөмбөгийн буюу багийн спортыг хөгжүүлэх төслийг УИХ-ын гишүүн Б.Жаргалмаа дэмжихээ илэрхийлсэн бол өчигдөр Боловсрол, шинжлэх ухааны сайд Л.Энх-Амгалан хамтран ажиллахаа мэдэгджээ.