Шударга өрсөлдөөн, хэрэглэгчийн төлөө газраас шатахууны компаниудад хийсэн хяналт шалгалтын үр дүнг олон нийтэд танилцууллаа. Энэ үеэрээ өчигдөр шатахууны компаниудад 234 сая төгрөгийн торгууль ногдуулсан болон, зөрчил илэрсэн  шатахууны компаниудын талаар мэдээлсэн юм.

  Шударга өрсөлдөөн, хэрэглэгчийн төлөө газрын дарга Б.Бат-Эрдэнэ “Өчигдөр шатахууны компаниудад 234 сая төгрөгийн торгууль ногдуулсан талаар мэдээлсэн бөгөөд 2018-2021 оны шалгалтуудад зөрчил давтагдсан ААН-үүдийн тусгай зөвшөөрлийг цуцлуулах саналыг Уул уурхай хүнд үйлдвэрийн яам болон Ашигт малтмал, газрын тосны газарт хүргүүлнэ” гэсэн юм. Тэрбээр “Улаанбаатарт байгаа 28 аж ахуйн нэгжийн 19 агуулах болон шатахуун түгээх станцад Гаалийн ерөнхий газар, Мэргэжлийн хяналтын ерөнхий газар, Иргэний нисэхийн ерөнхий газар, Газрын тосны газартай хамтран шалгалт хийж,  лабораторид шинжиллээ.

     Мөн энэ удаад 10 вагоноос дээж авсан. Тус дээжийг Уул уурхай хүнд үйлдвэрлэлийн яамнаас гадна Иргэний нисэхийн ерөнхий газрын лабораторид шинжилсэн.

Нийт 56 дээжээс стандарт хангаагүй зөрчил илэрсэн.  Мөн таван вагоны дээж чанарын шаардлага хангаагүй.  АИ92 бензиний актины хэмжээ бага есөн аж ахуй нэгж байсан. Мөн дизель түлшний цитаны тоо бага, хувийн жин бага зөрчлүүд илэрсэн. Механик хольц илэрсэн дөрвөн аж ахуй нэгж байна.

Харин Петровис группийн МИК ХХК компани зөрчил илрээгүй. Иймд дээрх  зөрчил илэрсэн аж ахуйн нэгжүүдийг тус бүр есөн сая төгрөгөөр торгох шийтгэл ногдууллаа" гэлээ.

      ШӨХТГ-аас чанарын шаардлага хангаагүй шатахуун борлуулсан компаниудад тухай бүрд нь торгууль ногдуулж ажиллаж байгаа.  Тусгай зөвшөөрөл авсан найман аж ахуй нэгжид үйлдвэрийн шаардлага хангасан технологи байхгүй байна. Байгууллагын зүгээс хяналт шалгалт хийх ажлуудыг холбогдох газруудад хүргүүлж байгаа. Бодлогын баримт бичиг бүрэн гарч дуусаагүй учир бүрэн хяналт хийж дуусаагүй байна.  Шатахууны хувьд үйлдвэрлэлээс, хадгалах агуулах, тээвэрлэх шат дамжлагаар шатахуун түгээх станцуудад   ирдэг. Шат дамжлагын явцад Технологийн аргачлал стандартаа баримтлаагүйгээс чанар алдагдаж болдог байна. Механик хольцийг ШӨХТГ-аас тайлбарлахдаа шат дамжлагын явцад савны битүүмжлэл алдагдаж гадны биет  шороо тоос орсноос үүсдэг гэдгийг онцолсон юм.