Цахим спортын “CS2” төрлийн “BLAST Bounty” намрын тэмцээний хаалттай сонгон шалгаруулалт болсон билээ. Тус тэмцээнд 32 баг оролцсон бөгөөд найм нь Мальта Улсад очиж финалд өрсөлдсөн.  Харин манай “The MongolZ” баг Серби Улсад бэлтгэл хийж байгаад наймдугаар сарын 10-ны өдөр Бразилын “paiN” багийг 2:0-ээр хожиж, финалын шатанд шалгарсан билээ. Тухайн тоглолтод “The MongolZ” М.Содбаяр “Techno” гайхалтай тоглолт үзүүлж, багийг хожилд хөтөлсөн. Харин одоо тус тэмцээний финал маргааш буюу наймдугаар сарын 14-ний өдөр Мальт Улсад эхлэх бөгөөд нийт шагналын сан 480 мянган ам.доллар байх юм.