Орхон аймгийн Эрдэнэ хотын бахархал болсон “Хангарьд” хөл бөмбөгийн баг Монгол эх орныхоо нэрийн өмнөөс Тайвань Улсын Тайпэй хотын “Taipei Municipal Stadium”-д өчигдөр Тайванийн “Tainan City FC” багтай хурд хүч, авхаалж самбаагаа сорин өрсөлдлөө.

     Тоглолт 4:1-ийн харьцаатайгаар “Tainan City FC” багийн ялалтаар өндөрлөсөн ч энэ өдөр Монголын хөл бөмбөгийн түүхэнд шинэ хуудас нээсэн бахархалт мөч болон үлдлээ. Олон улсын тавцанд анх удаа гарч, “AFC Challenge League”-ийн урьдчилсан шатанд ийнхүү хүч үзэж, түүх бүтээсэн “Хангарьд” шигшээ багийн дасгалжуулагчид, тамирчид, менежер болон арын албаныханд гүн талархал илэрхийлье.