Олон улсын шатрын холбоо буюу “FIDE”-ээс жил бүр уламжлал болгон зохион байгуулдаг “FIDE Women’s Grand Prix” 2024-2025 цувралын тав дахь тэмцээн боллоо. Энэтхэг Улсын Пуна хотод дөрөвдүгээр сарын 14-24-ний өдрүүдэд  үргэлжилж байна.

    Тус тэмцээнд Б.Мөнгөнтуул эхний өдөр Гүржийн олон улсын мастер Салом Мелиаг ялсан.  Харин өчигдөр Хятадын их мастер, дэлхийн чансааны 11-т эрэмбэлэгддэг Жу Жинертэй тоглож ялагдал хүлээлээ. Хятадын их мастер хоёр дараалж хожсоноор Энэтхэгийн Дивия Дэшмухын хамт тэмцээнийг тэргүүлж эхлэв.

    Тэмцээний гурав дахь өдөр дэлхийн чансааны 88-т эрэмбэлэгдэж буй Б.Мөнгөнтуул өнөөдөр гурав дахь өрөгт Польшийн Алина Кашлинскаяатай тоглож хожил авлаа. Дэлхийн чансааны 16-т жагсдаг олон улсын Мастер Алинатай өмнөн нь нэг тэнцэж, нэг хожигдоод байсан билээ.