Өнгөрсөн амралтын өдрүүдэд “Бажа 250” авторалли уралдаан гурван үе шаттай болж өндөрлөсөн юм. Тэмцээний үеэр авторалли уралдааны Олон улсын хэмжээний мастер Б.Баттөрөөс авторалли уралдааны онцлог, түүний гаргасан амжилтын талаар ярилцлаа. Тэрбээр 2013 онд авторрали уралдаан мотоциклын төрлөөр Олон улсын хэмжээний мастер болсон.

Мөн 2011-2018 оны Япон Улсаас манай улсад зохион байгуулдаг “SSER Rallу” тэмцээнд мотоциклийн төрөлд эхний гурван байрнаас буугаагүй Монгол Улсын өмнөө барьдаг нэр хүндтэй шилдэг тамирчны нэг юм. Тэрбээр авторалли тэмцээн болоход гэртээ ирсэн мэт сэтгэл догдолж хамт олонтойгоо уулзаж, тэднээс суралцдаг болохоор сэтгэл өндөр байдаг хэмээн ярьсан юм. Авторалли уралдаан саад бэрхшээл ихтэй учир техник болоод сэтгэл зүй хувийн бэлтгэлээ хангахаас гадна нүдний хараа сайн байх ёстой гэдгийг онцлон ярьж байлаа.