Коронавирусийн улмаас дэлхий даяар тогтоосон хөл хорионы дэглэмийн үед бид “Netflix”-тэй илүү “дотно” болсон. Өнөө цагийн кино ертөнцөд өөрийн гэсэн байр сууриа эзэлсэн солонгос цуврал “Netflix”-т цөөнгүй. Үзэгчдийн анхаарлыг хамгийн их татсан, шилдэг 10 солонгос цувралыг бид онцолж байна.

“Чам дээр буух хайрын буулт”

Солонгосийн“TvN”телевизээр үзэгчдийн хүртээл болсонуг киноны найруулагчаар Пак Жи Юн ажилласан бөгөөд гол дүрд Өмнөд Солонгосын алдарт жүжигчин Ён Сэ Ри болон Хён Бин нар хамтран тоглосон билээ. Ён СэРи бол томоохон группийн өв залгамжлагч нэгэн. Тэрээр нэгэн удаа шүхрээр буух үед хүчтэй салхи гарсны улмаас газардаж чадалгүй Хойд Солонгосын хил давснаар  офицер И ЖонХёктой таарах бөгөөд офицер бүсгүйг нууж, хамгаалахыг хичээнэ. Удалгүй тэд хайр дурлалын харилцаатай болсноор кино үргэлжилнэ.Энэхүү бүтээл нь дэлхийд хит болсон төдийгүй одоогоор Солонгосын кабелийн телевизийн түүхэн дэх хамгийн өндөр үнэлгээтэй хоёрдахь бүтээл болжээ.

“Сэтгэцийн өвчтэй байсан ч зүгээрдээ”

Энэхүү зохиолд сэтгэл мэдрэлийн тасгийн нийгмийн эрүүл мэндийн ажилтан Мун Ганг Тэ ( Ким Су Хён ), хайр дурлалд цаг зав гаргадаггүй, хүүхдийн номын зохиолчоор амжилттай ажиллаж байсан Ко Мун Юн ( Сео Ежи ) нарын тухай өгүүлдэг. Хайр гэж юу болохыг мэдэрч үзээгүй хүмүүс бие биетэйгээ уулзсаны дараа өөр өөрсдийн сэтгэлийн шархыг аажмаар эдгээж эхэлнэ. Зохиол өрнөх тусамтэдний сэтгэлийг зовоосон уялдаа холбоо бүхий өнгөрсөн түүхүүд илчлэгддэг.

“Камелли дэлгэрэх цагаар”

“Camellia Blooms” нь 2019 онд кино шүүмжлэгчид, үзэгчдээсхамгийн өндөр үнэлгээ авсан мини цуврал төдийгүй 56 дахь “Baeksang Arts Awards”-ийн шилдэг бүтээлээр шалгарсан.

Ө Дон Бэк бол жижиг хотруунүүж “Камелли” нэртэй баар нээсэн ганц бие ээж юм. Түүнийг ганц бие ээж  хэмээн тосгоны эмэгтэйчүүдэд илт шүүмжилдэг. Бүсгүйг цагдаа Хванг Ён Сикийн нүдэнд туссанаар тэдний хайрын романс эхэлнэ. Мөн энэхүү бүтээлд цуврал алуурчны түүх гарах бөгөөд Донг Баек бол түүний дараагийн ээлжит “золиос” юм.

Ноён “Sunshine”

Энэхүү цуврал нь1900-аад оны эхээр Хансён хотод Солонгос улсын тусгаар тогтнолын төлөө тэмцэж буй тэмцэгчдийг голчлон харуулдаг. Тус киноны зураг авалт, зохиол нь шүүмжлэгчдээс өндөр үнэлгээ авсан хэдий  ч түүхэн баримтуудыг буруу дүрсэлсэн хэмээн шүүмжилж, зарим нь бүр “Японы талыг баримтлагч” хэмээн буруутгаж байв.

Гол дүр Евгений Чой Жусоны боолчлолын үед төрж АНУ руу зугтаан улмаар тэнгисийн явган цэрэг болжээ. Чой илгээлтээр Жусон руу буцаж ирээд Солонгосын тусгаар тогтнолын төлөө нууцаар тэмцэж буй язгууртан эмэгтэй Го Аэ Шинтэй уулзсанаар зохиол өрнөнө.

“Эмнэлгийн дууны жагсаалт”

Анагаахын сургууль төгссөнөөсөө хойш найзууд болсон таван эмчийнЮльжэ анагаах ухааны төв дэх амьдралын талаар өгүүлдэг. Энэхүү бүтээл нь 2020 онд Солонгосын кабелийн телевизээр хамгийн өндөр үнэлгээ авсан киноны нэг болжээ. Ташрамд, уг киноны хоёрдугаар бүлэг 2021 онд нээлтээ хийнэ.

“F4 ба Хэрсүү охин”

Энэхүү бүтээл нь Азийн хамгийн алдартай К-Драма бөгөөд жүжигчин И Мин У уг кинонд дүр бүтээснээр олон шагналын эзэн болсон.

Элит ахлах сургуульд тэтгэлгээр суралцах боломж олдсон өсвөр насны охин Гум Жан Ди баян айлын сурагчид болох F4 хэмээх сургуулийн хамгийн алдартай хөвгүүдийн золиос болдог ч тэдний удирдагч Гу Жун Пёогийн эсрэг зогсдог цорын ганц хүн байв. Түүний зан чанарт автсан Жун Пёо Жан Дид дурласнаар олон олон ээдрээтэй асуудлуудын эхлэл тавигддаг.

“Залуусын тэмдэглэл”

Уг бүтээл нь 2020 оны есдүгээр сарын 7-ны өдөр нээлтээ хийсэн бөгөөд “TvN”-ийн алдартай уран бүтээлүүдийн нэг юм. Энэхүү кино нь орчин үеийн загварын салбар дахь гурван залуусын амьдралыг харуулна. Тэд мөрөөдөл, хайр дурлалынхаа төлөө  цөхрөлгүйгээр зүтгэж,  хичээж буй тухай өгүүлнэ.

“Дурсамж 1988”

“Reply 1988” бол “tvN”- ийн “Reply” цувралын гурав дахь анги бөгөөд улсын хэмжээнд үзэгчдийн 18.8 хувийг эзэлсэн, шүүмжлэгчид болон үзэгчдийн талархлыг хүлээсэн билээ. 1988 оны үеийн залуусын амьдралын тухай өгүүлэх энэхүү цуврал Солонгосын кабелийн телевизийн түүхэн дэх хамгийн өндөр үнэлгээтэй дөрөвдэхь бүтээл болжээ.

“Хоол авч өгдөг хөөрхөн эгч”

Уг цувралд "зүгээр л танилууд" -аас "жинхэнэ хосууд" болж хувирах хоёр хүний ​​харилцааны талаар өгүүлдэг. Жин А ( Сон Е-жин ) бол кофены компанид ажилладаг бүсгүй  бөгөөд Жун Хи ( Jung Hae-in ) нь видео тоглоом хөгжүүлэгч аниматор юм. Тэрээр гадаадад ажиллаад буцаж ирэхдээ Жин Атай дахин холбогддог бөгөөд  Жун Хигийн эгчтэй багаасаа сайн найзууд байсан юм. Энэхүү цуврал нь насны зөрүүтэй хэдий ч хэрхэн бие биенээ хайрлаж болохийг харуулдаг.

“Дөрвөн баатартай гүнж”

Ин Ха Вон хорон муу санаат хойд эх болон дагавар эгч нартайгаа хамт амьдардаг бөгөөд коллежийн сургалтын төлбөрөө олохын  тулд олон ажил хийдэг. Тэрээр Жи Вун, Хён Мин, Сео Ву хэмээх чинээлэг айлын үеэл ах дүү нартай танилцсанаар олон асуудлууд ар араасаа хөвөрнө.