УИХ-ын гишүүн Ч.Лодойсамбуу Ерөнхийлөгчийн санаачилсан хуультай холбоотойгоор мэдээлэл өглөө. Тэрбээр “Ерөнхийлөгчийн санаачилсан хуулиар гишүүд бүрэн эрхээ хамгаалж, өөрсдийнхөө булхай, луйварыг хадгалж үлдэх гээд байгаа юм биш. Тиймээс УИХ-ын гишүүнийг эгүүлэн татаж огт болохгүй гэж байгаа зүйл биш. Хамгийн гол нь ард түмний саналаар сонгогдож, төрийг барьж байгаа эрхийг нь булааж аваад хэн нэгэн дарга, ямар нэгэн дэд хороо нь дуртай хүнээ гаргах боломж үүсэх вий гэхээс эмзэглэж байгаа. Хэмжигдэх боломжгүй зүйлээр хэм хэмжээ тогтоогоод эхлэх юм бол дөрвөн жилээр сонгууль хийгээд байх шаардлагагүй. Эгүүлэн татагдаагүй гишүүдийг насаар нь төрд ажиллуулж болохгүй байгааг нь эгүүлэн татах болчихоод байгаа. Эгүүлэн татагдах гишүүдэд нь залуучууд буюу авлигалын системд нь ороогүй, байр сууриа илэрхийлдэг, шүүмжилдэг хэсэг нь л багтана шүү дээ" гэв.