УИХ-ын А.Ариунзаяа цаг үеийн асуудлаар сэтгүүлчдэд мэдээлэл өглөө.

     Тэрбээр "Яах гэж 126 гишүүнтэй болсон юм, яах гэж нийгмийн бүлгийн төлөөллийг олноор оруулья, жендерийн тэгш байдлыг хангая гэсэн юм. 46 гишүүнтэй байхад цөөн хэдэн хүн дохиураар шийдвэр гаргаад байна, ямар ч мэтгэлцээн болохгүй байна гэж ярьж, тухайд үедээ Үндсэн хуулийн нэмэлт өөрчлөлтийг хүртэл хийж байсан. Энэ өөрчлөлтийн үр дүнд парламентад гишүүд зоригтойгоор үгээ хэлж, өөр салхи сэвэлзэж байхад, болохгүй гээд хуучин руугаа түлхээд байгаа зүйл ажиглагдаж байна. Тэгэхээр эв нэгдлээ сахина гэсэн бол парламентын засаглалаа хамгаалах хэрэгтэй. Парламентын дуу хоолой, залуу гишүүдийг айдсаар удирдахаа больж, улс төрийн өшөө авалтаа зогсоомоор байна. Х.Булгантуяа чуулганы хуралдааныг даргалсныхаа төлөө яагаад өнөөдөр төрийн эрх мэдлийг хууль бусаар авахыг завдсан ч биш, бүр авсан гэдгээр ял тулгуулаад явж байгаа юм бэ. Х.Булгантуяа ямар төрийн эрх мэдлийг халаасандаа хийчихээд явж байгаа юм уу.  Д.Амарбаясгаланг гэхэд намын даргад өрсөлдөнө гэхэд л алуурчнаар нь дуудлаа шүү дээ. Ерөөсөө энэ бүх улс төрийн өшөө авалтаа болимоор байна" гэв.