Халзан бүрэгтэйн ордыг ашиглалтад оруулахыг нутгийн иргэд эсэргүүцэж, маргаан үргэлжилсээр байна.

Тэгвэл уг ордыг ашиглалтад оруулах талаар Ховд аймгаас сонгогдсон УИХ-ын дэд дарга Б.Пүрэвдорж ямар байр суурьтай байгааг тодрууллаа.

Тэрбээр "Ашигт малтмалын тухай хуулийн 12.1.2.харьяалах нутаг дэвсгэрт нь тусгай зөвшөөрлөөр олгогдсон талбайг зориулалтаар ашиглуулах, зөрчил гаргавал таслан зогсоох, 12.1.3.байгаль орчныг хамгаалах, нөхөн сэргээх, хүн амын эрүүл мэндийг хамгаалах болон орон нутгийн төсөвт төвлөрүүлэх төлбөрийн талаар хүлээсэн үүргээ тусгай зөвшөөрөл эзэмшигч хэрхэн биелүүлж байгаад хяналт тавих эрх нь аймгийн Засаг даргын эрх мэдэлд байдаг. Тиймээс тусгай зөвшөөрлийг цуцлах ёстой гэсэн шаардлагыг би гурван удаа Ховд аймгийн Засаг даргад хүргүүлсэн. Тэнд иргэдийн эрүүл орчинд амьдрах эрх зөрчигдөж байна. Үнэхээр стратегийн ач холбогдолтой орд гэж байгаа бол Засгийн газар иргэдтэй очоод уулзах хэрэгтэй" гэлээ.