Монгол Улс 2019 оны аравдугаар сард  Мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалт буюу ФАТФ-ын саарал жагсаалтад орсон. Улмаар ФАТФ-аас манайд дөрвөн шууд хэрэгжилтийн зөвлөмж дээр зургаан  үүрэг даалгавар өгсөн билээ. Эдгээр даалгаврыг манай улс зургадугаар сард бүрэн хамгаалсан гэдгийг Засгийн газраас мэдэгдэж байв.  Харин ФАТФ-аас даалгавраа биелүүлсэн эсэхэд газар дээр нь ирж, хяналт, шалгалт хийх ажил коронавирусийн халдвар гарсантай холбоотой түр хойшлоод байсан юм. 

Харин өнөөдөр ФАТФ-ын төлөөлөгчид саарал жагсаалтаас гарахад бэлэн эсэхийг нягтлахаар манай улсад ирээд байна. Тэд аравдугаар сарын 1-2 хүртэл манайд ажиллана. 
Хяналт, шалгалтыг газар дээр нь хийсний дараа ФАТФ манай улсыг Мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтаас гаргахаа эцэслэн шийдвэрлэх юм.