Хөдөлмөрийн Үндэсний нам өнөөдөр НИТХ-sын сонгуульд өрсөлдөх эрхээ нийслэлийн сонгуулийн хорооноос авлаа. Тус намыг Захиргааны  хэргийн шүүхийн шүүгчийн захирамжаар сонгуульд оролцох эрхийг нь түдгэлзүүлээд байсан билээ.

Захиргааны хэргийн шүүхэд нэхэмжлэл гаргасан О.Бямбадэлгэр нарын ашигласан тамга нь хуурамч гэдгийг Тагнуулын ерөнхий газраас баталсан байна. Иймд тус намынхан сонгуульд оролцох эрхтэй болжээ. Ийн Хөдөлмөрийн үндэсний намаас НИТХ-д нэр дэвшиж буй 27 нэр дэвшигч үнэмлэхээ гардлаа.

Энэ үеэр нийслэлийн ХҮН-ын дарга П.Наранбаяр “Нийслэлчүүдэд тулгамдаж байгаа гол асуудал бол түгжрэл. Энэ нь коронавирусийн халдвараас  илүү эдийн засгийн хохирол болж байна. Тиймээс бид НИТХ-д олонх болбол түгжрэлийг 50 хувь бууруулна” гэлээ.