Монгол Улсад коронавирусийн халдварын 640 тохиолдол батлагдлаа. Өчигдөр дотоодод нийт 47 тохиолдол батлагдсан билээ. Өнөөдрийн нөхцөл байдлын талаар Эрүүл мэндийн яамнаас 11:00 цагаас мэдээлэл хийв. Өчигдөр 17:00 цагаас хойш 11 тохиолдол илэрчээ. Энэ талаар ХӨСҮТ-ийн Тандалт судалгааны албаны дарга А.Амбасэлмаа “ХӨСҮТ,ЗӨСҮТ, Сэлэнгэ, Дорнодын лабораторид нийт 3100 хүнд шинжилгээ хийсэн. Улаанбаатар хотод 11 тохиолдолд нэмэгдлээ. Ойрын хавьтлуудаас халдвар илэрсэн. Улаанбаатар хотын хоёр голомтод 204 хүнээс халдвар илрээд байна. Мөн Сэлэнгэ аймагт одоогийн байдлаар 98 тохиолдол батлагдаад байгаа. Өчигдрийн 17:00 цагаас хойш халдвар илэрсэн таван аймагт нэмж халдвар илрээгүй. Хавьтлыг илрүүлэх тандалт судалгааны ажил үргэлжилж байна. Мөн Нийслэлийн эрүүл мэндийн газраас 35 мянга гаруй хүнээс шинжилгээ авах ажил өнөөдрөөс эхэллээ. Иймд халдварын эрсдэлтэй бүсэд амьдарч байгаа иргэд шинжилгээнд хамрагдана" гэлээ