“НАРАН ЗҮГЭЭС ЧАМАЙГАА ИРНЭ ЭЭ ГЭЭД НАСАА МАРТТАЛ ХҮЛЭЭНЭ ГЭСЭН ДЭЭ...”

Д. Бямбасүрэн:
Соёл урлаг

2025-07-04, 47199

Хоргой эмжээр нь сэмэрч, гандсан хуучин саарал даавуун дээлтэй, хэвээ алдаж далбайсан жижиг малгай тавиад, цагийн аясаар үрчийж үнгэгдсэн хуруунуудынхаа завсарт хавчуулсан тамхиа зууж, тийм гэхийн аргагүй гуниг хурсан нүдтэй, нүүрэнд нь суусан гүн үрчлээ болгон нь амьдралын хэцүү хатууг туулсан гэдгийг нь илтгэх шиг дүр төрх.

“Монголын дэлгэцийн урлагийн дүрийн ноён оргил, ховор эрдэнийн алмаз л энэ юм биш үү” гэмээр санагдах юм аа, “Эцсийн тушаал” жүжгийг үзэх бүрд. Тэр харц, дотоод их харуусал, битүүхэн гомдол түүнийгээ өөртөө л хадгалах уужуу тайвуу байдал, хаа нэг инээхэд нь цухуйх ганц хоёрхон шүд гээд ёстой л нэг нуугисан дүр юм аа. Цэл залуухан тэвхийсэн сайхан залуу цэрэгт яваад л эх орноосоо урвасан эсэргүү гэж хэлмэгдэн, хайртай эмэгтэйтэйгээ ч уулзаж чадахгүй нэгэн насаа элээсэн гэх хорчгор бор өвгөнийг харах бүрд “Ийм өвгөн гэж байдаг юм уу”, “Энэ чинь ёстой ховорхон дүр байна даа” гэмээр.

Үзэгч бүрийн сэтгэл зүрхэнд хүрсэн дотно дүрийг Д.Сэдэд гуай бүтээж, бас дархалж чаджээ.

Жүжигт Цэрмаа Бадрахыг “Залуудаа ямар сайхан залуу явлаа. Ямар их өтөлж, харлаа вэ” гэж боддог хэсэг бий. Үнэхээр ч амьдралын хатуу, зөөлөнг ханатлаа эдэлсэн өтөл буурал өвгөн түүний өмнө доошоо харан бодол болж сууна. Тэр энэ үдэш цэргийн дотно нөхөр Лувсан, өөрийн хайртай бүсгүй Цэрмаа хоёрынхоо гэрт халган халган ирээд байгаа нь энэ. Д.Сэдэд гуай үнэхээр энэ дүрээ Монголын урлагт дархалж чаджээ. Өөрийгөө, өтөл дүрээ, байгаа төрхөөрөө л ийн тоглоно гэдэг уран бүтээлч бүрд байх хувь тохиол, авьяас чадвар биш. Одоо түүний энэ дүр шиг, ийм өвгөн лав манай кино урлагт байхгүй.

Мэдээж Д.Сэдэд гуай “Улаан дарцаг” киноны эсэргүү, “Талын цуурай” киноны мөн эсэргүү Лутаа, “Эх бүрдийн домог” киноны Баян, “Сүхболдын яриа” киноны эсэргүү, “Хүний сайхан сэтгэл” киноны ашигч эр Дориг, “Хатанбаатар” киноны Дэрэм, “Хуучин сүм” киноны манаач, “Гарьд магнай” киноны гурил элдэгч, “Үүр цайхын өмнө” киноны өртөө занги Ойдов зэрэг киноны туслах болон гол дүрийг бүтээсэн ч “Эцсийн тушаал” жүжгийн Бадрах шиг чин үнэн, амь халуун дүр үгүй. Тэр Монголын урлагт энэ л дүрийг бүтээх гэж төрсөн мэт, хаа нэгтээгээс Лувсангийн гадаа морьтой буудаг шигээ буусан мэт санагдана.

Тэгээд л Цэрмаа гуай түүнийг наран зүгээс ирнэ гээд насаа дуустал хүлээж, ирээд явахад нь авдартаа олон жил хадгалсан даалингаа гаргаж өгөөд, сая нэг уужраад нулимстай үднэ.

Д.Сэдэд гуайн гарын шавь нарын нэг МУГЖ Ё.Цог “Эцсийн тушаал” жүжигт багшийгаа үнэхээр мөнхөлж, нэгэн эр хүний амьдралын гуниг баяраар тэгнэн жүжгийнхээ амин гол санааг гялалзуулж чаджээ. Тэрбээр багшийнхаа тухай “Хүнд хачин их тусархуу ховор хүн байсан даа, багш минь. Намайг жүжигчний шалгалт өгөхөд бэлдүүлж, дараа нь Дарханы театрт ажиллах замыг минь зааж өгсөн. Нэг ёсондоо урлагийн гарааг минь тавьж өгсөн хүн. Уран бүтээлчийнхээ хувьд үнэхээр агуу хүн байсан даа. Багшийгаа анхны бүтээлийнхээ гол дүрд тоглуулж амжсандаа шавийн хувьд их баяртай байдаг. Үнэхээр манай багш л бүтээх дүр байсан” хэмээсэн билээ. Тэгэхээр Ё.Цог гуай түүнийг урлагт, дэлгэцэд дахин давтагдашгүйгээр мөнхөлж чаджээ. Бүр ханьтай нь, хайр сэтгэлтэй нь хамт мөнхөлж. Түүнчлэн түүний хань Д.Жавзмаа “Талын цуурай”, “Шинэ хотын гэрэл”, “Жаргал даахгүйн зовлон”, “Эргүнэ хонгийн домог”, “Шадар ван” зэрэг кинонд чадварлаг тоглосон уран бүтээлч байсан гэдгийг дурдах нь зүйтэй байх.

-З.ОЙДОВЫН “ДАЛАН ХУДАЛЧ” ЖҮЖГИЙН СЭНГЭЭГИЙН ДҮРЭЭР ТЭР ТАЙЗНАА АНХ ГАРЧЭЭ-

Залуудаа их ганган, чинээлэг явсан Д.Сэдэд гуай Төв аймгийн Баянцогт суманд төрсөн бөгөөд сумын клубээсээ л урлагийн замд орж, Хүүхэлдэйн театр, Армийн театр, Хүүхэд Залуучуудын театр гээд ороогүй газар, гараагүй тайзгүй алтан үеийн жүжигчин билээ. Анх тайзнаа З.Ойдовын “Далан худалч” жүжгийн Сэнгээгийн дүрээр гарч, дараа нь “Учиртай гурван толгой” жүжгийн Балганы дүрд тогложээ.

Мөн “Үнэрт үр” жүжгийн шуудан зөөгч, “Өөрийн замаар”-ын Бадарч, “Тожоо жолоочийн Төмөр, “Ялалтын жигүүр”-ийн Баатар өвгөн, “Ромео, Жульетта” жүжгийн Монтекьюн, “Хярааны хонхорт” жүжгийн Дамба, “Арван хоёр сар” жүжгийн Түшмэл зэрэг Монголын хийгээд дэлхийн сонгодог 30 гаруй бүтээлд дүрээ мөнхөлсөн уран бүтээлч юм.

Түүний гарын шавь нараас нэрлэвэл, МУГЖ Ё.Цог, “Гарын таван хуруу” киноны Шагдар буюу Л.Лхасүрэн, МУГЖ Ж.Сүххуяг тэргүүтэй авьяаслаг жүжигчин юм байна. Шавь нар нь багшийнхаа аваагүй шагналд цөм хүрч, гавьяат болсон байдаг. Хэдийгээр Д.Сэдэд гуай Монголын кино урлагийн том уулсын нэг ч түүнд төр засаг хүртээх ёстой гавьяа, шагналыг нь өгч амжаагүй юм. Энэ тухай түүний шавь Ж.Сүххуяг агсан нэгэнтээ “Хэрвээ надад гавьяат цол хүртээвэл би багшийнхаа шарилд булна. Монголын төр багшийн минь авьяасыг үнэлээгүйд гомдож байна” гэсэн удаатай. Харин хань Д.Жавзмаа нь нэгэн хэвлэлд “Хань минь хэвтэрт байхдаа хэд хэдэн удаа харвасан. Өдөр шөнөө, идэж ууснаа ч ялгахаа байсан. Гавьяат цолыг хань минь ч, би ч их горьддог байсан. Сүүлдээ хөгшин минь горьдох ч тэнхэлгүй болсон доо” хэмээн ярьсан байдаг.

Тиймээ, Д.Сэдэд гэж энэ эгэл мөртлөө эрхэм хүмүүн “Эцсийн тушаал” жүжгийн Бадрахын дүрээрээ Монголын урлагт өөрийгөө арилшгүйгээр дархалж чадсан ч түүний энэ авьяас билгийг Монголын төр цагт нь үнэлээгүй нь даанч харамсам юм даа...

“НАРАН ЗҮГЭЭС ЧАМАЙГАА ИРНЭ ЭЭ ГЭЭД НАСАА МАРТТАЛ ХҮЛЭЭНЭ ГЭСЭН ДЭЭ...”

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 67

Сэтгэгдэл үлдээсэн: 2025-07-04 21:11:09

Basca Feiza: СЭДЭД ГУАЙН БҮТЭЭСЭН ДҮР БҮР АМЬТАЙ~АМИНТАЙ~ШҮНШИГТЭЙ~УВЬДАСТАЙ.
Сэтгэгдэл үлдээсэн: 2025-07-04 21:08:33

Basca Feiza: сайн байцгаана уу. Миний ХАЙРЛАХЫН ДЭЭДЭЭР ХАЙРЛАЖ, ХҮНДЛЭХИФЙН ДЭЭДЭЭР ХҮНДЭЛЖ ЯВДАГ ХҮН МИНЬ СЭДЭД ГУАЙ. ОГТ ТАНИХГҮЙ МЭДЭХГҮЙ, ХАРЖ Ч БАЙГААГҮЙ ХИРНЭЭ, ЗҮГЭЭР Л~ЕРДӨӨ Л "ЖҮЖИГЧИН ГЭХ МЭРЭГЖЛЭЭРХ АЖЛААРАА АМИЛУУЛСАН~АМЬТАЙ~АМИНТАЙ ДҮРЭЭР НЬ *ЭДҮГЭЭ Ч* УУЛЗСААР Л". Үзэх дуртай, үзээд эрхгүй уйлдаг, сэтгэлийг зүрхийг аминг базаж элэг эмтэрч шимшрэх сэтгэл нүдээр минь асгардаг АУГАА ЖҮЖИГ. Бадрах, Цэрмаа гэх 2 хүн ЁСТОЙ Л ӨР ӨВТГӨЖ СЭМРҮҮЛЭХ Ч ХҮНИЙГ Ч ТЭР, АМЬДРАЛЫГ Ч ТЭР "ИЙМ ЮМ БУЙ БИЙ БАЙДАГ ЮМ ШҮҮ" ГЭДГИЙГ ЯС МАХАНАД, ОЮУД, УХААНД ШИНГЭТЭЛ ДУУГАРДАГ. ЗА ТЭР, ЖҮЖГИЙН ДУУ ЮУ, ХҮНИЙ ХҮМҮҮНИЙ СЭТГЭЛИЙН УВЬДАСЫГ САД ТАВИУЛНАДАА. Бадрах, сүүгээ өргөд үдэж буй Цэрмаа, ЭНЭ ЖҮЖИГ МОНГОЛЫН ЖҮЖГҮҮДИЙН ОРОЙН ДЭЭД СОНГОДОГ ЖҮЖИГ.
Сэтгэгдэл үлдээсэн: 2025-07-04 14:32:54

Дуудай: Энэ жүжигчин хүний бүтээсэн дүр бүхэн дэндүү гоё эгэл дүр шүү !Бүх дүрд нь хайртай аав минь Сэдэд гуайн тоглосон кино бүрийг үзэхдээ уйлж суудагсан .би ч гэсэн тоглосон кино дүр бүхэн нь нэг л гоё бодол ухаарал хайрладаг
Сэтгэгдэл үлдээсэн: 2025-04-18 09:09:38

Zochin: sedee agaa gej duudah yum bn lee saihan hvn heseg hugtsaand mend ustai yavsan yum da ter ved kino vildveriin jinhen tom oduud bvged orj gardag bailaa ..tsoohor morinii naimaachin gej joohon murtuu setglees gardgvi dvr baidag
Сэтгэгдэл үлдээсэн: 2025-04-18 08:49:02

Бадрах: Монголын төр Соц үеийн удирдагчид, олны хайр хүндэтгэлийг хүлээсэн цөөнгүй авьяаслаг билэг танхай хөх өвөгчүүлд цаг тухайд шагнаж урамшуулах ухаан сэтгэл дутсан харагддаг.
Сэтгэгдэл үлдээсэн: 2025-04-18 00:06:18

Бат: Монголын кино урлагт одоо ийм л өтөл хөх өвгөдийн маань дүрийг бүтээх жижигчид дутаад байгаа юм даа... Шагнал нүдээ олохгүй юм даа хөөрхий.
Сэтгэгдэл үлдээсэн: 2025-04-17 20:09:57

Shuna: Tsoohor morinii naimaachin ene hvniig marth ysgvi
Сэтгэгдэл үлдээсэн: 2025-04-17 20:09:56

Shuna: Tsoohor morinii naimaachin ene hvniig marth ysgvi
Сэтгэгдэл үлдээсэн: 2025-04-17 17:45:42

уншигч: Эцсийн тушаал жүжгийг үзэх бүртээ нүдээ хавдтал уйлж, элэг зүрх минь эмтэрч, харуусал төрдөг дөө. Амьдрал зарим хүнд үнэхээр шударга бус ханддагийг жүжгийн гол дүр, бодит амьдрал дээр жүжигчнээс нь хардаг даа. Үнэхээр харамсалтай санагддаг.
Сэтгэгдэл үлдээсэн: 2025-04-17 15:42:07

Иргэн: Жаахан өөрөө сэтгэх цаг үе ирж байгаа шүү Монголчууд минь!!! Хэрэггүй гавъяа шагналыг гуйж нөхөж энэ тэр бол тэр хүнээ гутааж байгаа нэг хэлбэр!!! Одоогийн ийм муухай хулихны гавьяатуутай адилтгах гэж тэнэгтэв!!!
Сэтгэгдэл үлдээсэн: 2025-04-17 15:39:51

Э: Энэ төрд Гавьяат байтугай цолыг нь олгочих хөрөнгө мөнгө нь дутаагүй л бол олгох ёстой цол шагналыг нь яаралтай олгоочээ!!!
Сэтгэгдэл үлдээсэн: 2025-04-17 15:38:32

Иргэн : Одоо хүмүүс Үнэлүүлэж чадаагүй бурхан болсон гэж буруу яриаад байх юм!!! Тэр үед чинь шүүсийг нь шахаж байж хүний ажил хөдөлмөрийг үнэлдэг цаг үе байсан шүү!!! Ганц нэг хүн үнлүүлэж чадалгүй цаг үед солигдсон байх!!! Одоотой адил мөнгө төгрөгөө өгөөд авдаг үе байгаагүй!!!
Сэтгэгдэл үлдээсэн: 2025-04-17 15:32:21

Иргэн: Социализмын үеийн гавъяа шагнал гэдэг үнэхээр шалгуур өндөртэй байсан шүү!!! Одоогийн Хөдөлмөрийн баатрууд тэр үед бол алтан гадас ч авахгүй шүү зарим нь!!! СТА- гэдгийг одоо захын архичин авдаг болжээ!!!ккк Гавъяат энэ тэр бол бүр утгаа алдаж!!
Сэтгэгдэл үлдээсэн: 2025-04-17 11:55:49

Бүгд: ТЭМДЭГ ХЭРЭГГҮЙ , ТЭР ХҮН ТЭРТЭЙ ТЭРГҮЙ БҮТЭЭСЭН ДҮР, ХӨДӨЛМӨРӨӨРӨӨ АРД ТҮМЭНД ЖИНХЭНЭ ҮНЭЛЭГДСЭН АРДЫН ЖҮЖИГЧИН, ХӨДӨЛМӨРИЙН БААТАР ХҮН ШҮҮДЭЭ. ХАР Н ХӨШӨӨГ НЬ БОСГОХ ЁСТОЙ ШҮҮ. АЛЬ НЭГ ДҮРЭЭР НЬ ЭСХҮЛ БҮХ ДҮРИЙГ ОРОЛЦУУЛСАН ЦОГЦОЛБОР ТАЛБАЙ БИЙ БОЛГООРОЙ УРЛАГИЙН ХОЛБОО САНААЧЛААД
Сэтгэгдэл үлдээсэн: 2025-04-17 11:44:25

Зочин : Одоо гавьяатын нэр хүнд гэж хог болсон. Жүжигчин Цээнямбуу.Цэвээнравдан.Доржсамбуу гэх мэт олон хүн үнэлүүлж чадаагүй. Гэтэл одоо ардын.бас баатар энэ тэр ёстой холион бантан.одонгоо даахгүй шахам л болсон.Жүжигчдэд хөдөлмөрийн баатар бол илүүднэ.
Сэтгэгдэл үлдээсэн: 2025-04-17 11:17:57

Туул: Үнэхээр чхдварлаг авьяаслаг жүжигчин.Тоглосон дүр бүр нь хүний сэтгэлд хүрдэг мундаг хүн шүү гавьяат жүжигчин цолыг нөхөн олгох зөв гэж бодож бна. Нөхөн олго нуж
Сэтгэгдэл үлдээсэн: 2025-04-16 22:59:19

Би : Хатанбаатар кинонд,Аварыг олсоор боогоод татаж байгаа хэсэг нь үнэхээр гайхамшигтай, аймаар,чин сэтгэлээсээ хандаж хийсэн дүр гэж миний хувьд боддог.амьдад нь гавьяат байтугай ч өгөх ёстой байж дээ
Сэтгэгдэл үлдээсэн: 2025-03-19 02:02:27

Basca Feiza: сайн байцгаана уу. МОНГОЛ ЖҮЖИГЧИН ГЭХ ХАЙРЫГ Ч, НЭРИЙГ Ч~АЛДРЫГ Ч, ХҮНДЛЭЛИЙГ Ч~ХҮНДЭТГЭЛИЙГ Ч ТЭЭГЧ ТООТОЙ ХЭДХЭЭН ХҮН НАРЫН НЭГ НЬ СЭДЭД ГУАЙ. "Эцсийн тушаал" жүжиг ч, ТЭР ТУСМАА, ЭНЭ ЖҮЖГИЙН ДУУ НЬ АУГАА. СОНСОЖ~ЧАГНАХ~ДУУЛАХ БҮРД хар аяндаа л мэлмэрдэг дуу гэж бий буй байдагдаа. Тийм л ховорхон дуунуудын нэг.
Сэтгэгдэл үлдээсэн: 2025-01-18 08:25:37

Г.БМагнай : Гавьяатыг нөхөн олгоосой Үр удам нь эцэгээ бахархан дурсаж яваг. Одооны гавьяатуудыг мэднэ дээ я1.2 хон дуу нь хүмүүст хүрээд л болоо Ард түмэн гавьяат гэж мэдэх ч үгүй Харин Сэдэд гуайд нөхөн олговол ...өгөөгүй бн юмуу л гэх бх
Сэтгэгдэл үлдээсэн: 2025-01-18 08:25:10

Г.БМагнай : Гавьяатыг нөхөн олгоосой Үр удам нь эцэгээ бахархан дурсаж яваг. Одооны гавьяатуудыг мэднэ дээ я1.2 хон дуу нь хүмүүст хүрээд л болоо Ард түмэн гавьяат гэж мэдэх ч үгүй Харин Сэдэд гуайд нөхөн олговол ...өгөөгүй бн юмуу л гэх бх
Сэтгэгдэл үлдээсэн: 2025-01-18 08:20:27

Г.БМагнай : Гавьяатыг нөхөн олгоосой Үр удам нь эцэгээ бахархан дурсаж яваг. Одооны гавьяатуудыг мэднэ дээ я1.2 хон дуу нь хүмүүст хүрээд л болоо Ард түмэн гавьяат гэж мэдэх ч үгүй Харин Сэдэд гуайд нөхөн олговол ...өгөөгүй бн юмуу л гэх бх
Сэтгэгдэл үлдээсэн: 2025-01-18 08:12:26

Баярмагнай: Энэ жүжиг киног гарах бүрд нь үздэг дээ Энэ өвгөнийг харахаар л бага бхад байсан архайж дархайсан уул шиг дүнсгэр өвгөчүүд минь сэтгэлд эргэн дурсагддаг Сэдэд гуайг харж бодож Энэ дүрийг бичсэн үү гэлтэй Хичээн схн ...хал үзсэн монгол Өвгөн...Дуу нь гайхалтай наалдсан Хэд хоногтоо л Сэдэдп гуайн царай ..дууны ая сэтгэлд харагдаж аманд аялагддаг юм даа ...Хэцүү цагийг бодохоос их харуусал гуниг төрдөг юм даа
Сэтгэгдэл үлдээсэн: 2025-01-17 21:46:19

Д: Өглөө киноны цоохор морины наймаачин, зальтай хэлэмгий доль цохьсон эр.... энэ хүний бүтээсэн дүр сэтгэлээс хэзээч гардаггүй.
Сэтгэгдэл үлдээсэн: 2025-01-17 17:09:18

О.Булган: Маш сайн жүжигчин байсан шүү дээ Ум сайн амгалан болтугай
Сэтгэгдэл үлдээсэн: 2025-01-17 15:00:07

davaa: ter jujgiig uzeh burtee nulimas unagadag daa.
Сэтгэгдэл үлдээсэн: 2025-01-17 13:05:41

Б.Цэдэв: Сэдэд гуай гол,туслах,эeрэг,сөрөг альч дүрийг жинхэнэ амь оруулж амьдаар нь олон түмэнд хүргэж,бас хүний сэтгэлд бөхөлж салахгүйгээр хадаж мөнхөлдөг хүн байсан.Би багаасаа л Сэдэд гуайн олон дүрийг үзэж,мэддэг байж,Сэдэд аль хэдийний л гавъяат байтугай алдрын өндөрлөгт хүрсэн хүн боддог байсан. Гэхдээ Сэдэд гуай өөрийнхөө бяр авъяасаар алдрынхаа гэрэлт хөшөөг ард түмний сэтэлд мөнхөлж чадсан эгэлгүй шидтэн.УМ МА НИ БАД МИ ХУМ.
Сэтгэгдэл үлдээсэн: 2025-01-17 12:47:42

Бурдул: Одоо гавьяат цолыг нусгай бацаан бөгс долоож яваад авдаг болж хийсэн кино нь гэж нүдний булай авах юмгүй шившиг. Харин эд нарыг бодвол агуу жүжигчин байсан юм шүү. Нөхөн олгоход яагаад болохгүй гэж. Үр хойч үе нь бахархаж яваг.
Сэтгэгдэл үлдээсэн: 2025-01-17 07:06:47

Зочин : Ёстой авъяас нь цулайсан жүжигчин байсан даа
Сэтгэгдэл үлдээсэн: 2025-01-16 18:03:08

Enkhtaivan: Mundag
Сэтгэгдэл үлдээсэн: 2025-01-16 17:26:12

Золко: ОЛОН САЙХАН ДҮРИЙГ СЭТГЭЛД ХОНОГШТОЛ БҮТЭЭСЭН,ОЛОН ОЛОН САЙН ШАВЬ ТӨРҮҮЛСЭН АВЪЯАСЛАГ ГАЙХАЛТАЙ САЙХАН ЖҮЖИГЧИН БАЙЖЭЭ.
Сэтгэгдэл үлдээсэн: 2025-01-16 17:11:34

Иргэн: Одоо бол нөгөө кинонд гардаг даа өглөө гараад сарааз мотор гэдэг шиг л
Сэтгэгдэл үлдээсэн: 2025-01-16 16:38:59

Иргэн : Социализмын үед гавъяат авна гэдэг өндөр даваа байлаа!! Гэтэл одоо ккк!!!
Сэтгэгдэл үлдээсэн: 2025-01-16 14:07:49

Dash: Сэтгэлзүйн мастер жүжигчид гэж ховор хүмүүс байдгийн нэг нь л дээ.Хүний сэтгэлийн гүн рүү орж уярааж, догдлуулж , тэр мөр нь тэндээ үлдэнэ гэдэг бол ховор чадвар. Гайхалтай.
Сэтгэгдэл үлдээсэн: 2025-01-16 13:12:35

Д.Цэдэндорж: Өглөө киноны цоохор морины наймаачин,эцсийн тушаал жүжгийн Бадрахын дүрээрээ манай тайз дэлгэцэнд мөнхрөн үлдсэн Гайхалтай сайн жүжигчин байлаа.Шавь нь Сүххуяг байсан юм.Үнэнийг нь л хэлсэн.Даанч төр засаг энэ алдартанг үнэлсэнгүйдээ.Юун холливуд.Жинхэн од байлаа.
Сэтгэгдэл үлдээсэн: 2025-01-16 09:59:49

Зочин: ҮнэхээртэрБадрахын дүрийг үзсэн хүний зүрхэнд буутал, түүний гомдол, харууслыг сэтгэлд шингээмээр бүтээж чадсандаа, энэ жүжигчин. Бүтээсэн дүрээрээ ард түмнийхээ сэтгэл зүохэнд мөнхөрсөн, эгэл нэгэнд төр өнөх шагнаоаа амьдад нь хайрлахгүй яав даа. Шавь Сүххуяг нь хатуу үнэнийг хэлждээ
Сэтгэгдэл үлдээсэн: 2025-01-16 08:20:47

Энх: Сайхан нийтлэл явж байснаа хар төмөрт хорогдож үхсэн хатсан болоод явчих юмаа. Үхсн тэр шагнал магнал яадын амьдралын баталгаа юу
Сэтгэгдэл үлдээсэн: 2025-01-16 06:44:16

Уншигч: Гавьяаг нь тар цаг хугацаанд нь үнэлж чадаагүй ч гавьяагаа өөрийнхөө дүрүүдээр бүтээж ард иргэд биднээр үнэлүүлж авсан гавьяатан ш дээ . Үнэхээр киног нь үзэхэд л ойлгомжтой. Үүнд ганц хүн биш түүнийг хамт бүтээлцсэн бусад нөлөө бүхий хүмүүсийг хамтад нь дурсах ёстой. Одооны монгол кино гэж юу байнаа хүмүүст юу үлдээв. Энэ дэвшил үү уналт уу Соёлын яамаа, сайд аа
Сэтгэгдэл үлдээсэн: 2025-01-16 02:01:51

Monhtor: Unheer aguu jujigchin bi kinogiin uzeh mash durtai bi ooroo hentiid kino mehanigch baisan setgeld honogshson aguu hun bilee
Сэтгэгдэл үлдээсэн: 2025-01-15 20:54:07

Доржоо: Хүрэлсүх ерөнхийлөгч маань мэдрэмжтэй хүн өгөх ёстой шагналыг нь өгчих байхаа
Сэтгэгдэл үлдээсэн: 2024-08-17 11:50:31

S: ANUSDI80955877
Сэтгэгдэл үлдээсэн: 2024-08-17 10:01:59

G: sain jujigchin de togolson kino dur ni setgeld honogshon saihan hun shuu
Сэтгэгдэл үлдээсэн: 2023-12-07 16:18:35

элбэгдорж хүүрийн хийсэн ажил байна.: Золбин ардчилал гарч ирээд хуучин нийгмийн үлдэгдэлд гавъяа цол өгөхгүй гэж үхэж далд орсон элбэгдорж хүүр шийдвэр гаргуулж, гөлөг энхболд үргэлжлүүлсээр байсан юм. Тэгсэн мөртлөө ганц хоёр дуу дуулсан хошин шог тоглосон салбадайнуудад гавъяат цолыг ёстой хамаагүй өгсөн дөө.
Сэтгэгдэл үлдээсэн: 2023-06-25 11:52:39

Эрдэнэ : Сайхан хүн сайн жүжигчин
Сэтгэгдэл үлдээсэн: 2023-06-24 08:07:29

Баярсайхан: Яагаад амьд сэрүүнд нь гавьяа шагналыг нь өгөөгүй юм бол .ийм мундаг хүндээ өгөхгүй байж юу бүтээсэн билээ гэмээр хүмүүст гавьяа шагнал өгсөн байдагийн харамсмаар . Үр хүүхэд нь байдаг бол нөхөж шагналыг нь өгмөөр юмаа .
Сэтгэгдэл үлдээсэн: 2023-06-24 06:59:03

Зочин: Гавъяатай хүн.
Сэтгэгдэл үлдээсэн: 2023-06-24 03:06:12

Балжинням : үнэхээр энэ жүжгийг хүний тархинд гүн шингээсэн хүмүүс шүү дуучин Нар мандахын хоолой амилуулсан даа
Сэтгэгдэл үлдээсэн: 2023-06-23 10:57:55

Зочин: Гоё
Сэтгэгдэл үлдээсэн: 2023-06-21 21:00:00

Зочин: Үнэн ёстой гайхамшигтай гоё дүр. Яасан ч мундаг жүжигчин байсан юм
Сэтгэгдэл үлдээсэн: 2023-06-21 19:10:36

hun: hani javzmaagiinh ni tuhai bichbel bas sonirholtoi tuuh garna daa
Сэтгэгдэл үлдээсэн: 2023-06-21 11:03:36

Сэтгүүлч: Эхний өгүүлбэр маш урт. Үнэхээр юу уншиж байгаа билээ гээд дунд нь зогсоож чадаж байна кк
Сэтгэгдэл үлдээсэн: 2023-06-21 11:03:09

иргэн: яагаад өгөөгүй юм бол.
Сэтгэгдэл үлдээсэн: 2023-06-21 09:21:38

Танго: Сайхан жүжигчин эцсийн тушаалийн тэр цэрэг эрийн дүр энэ хүн өөрөө бхаа.би тэр мориндоо морьдоод явах хэсгийгнь харах дуртай .бөгтийгөөд бүх зовлонгоо үүрээд эцсийн аяндаа мордох шиг.Тоглож бгаа дүр гэж бодсонч нэгл харамсал гомдол төрдөг юмаа. Хайртай хүнийгнь авч суусан матаж шорон оронд явуулсан нөгөө нөхөрийг өшиглөөд унагмаар санагддаг бж билээ.
Сэтгэгдэл үлдээсэн: 2023-06-21 08:23:33

Иргэн: Хүнд танигдахгүй гавъяат байснаас хүн бүрийн сэтгэлд хоногшин үлдсэн жүжигчин явсан нь дээр. Олон дүр тоочихооргүй ганц туслах дүр нь л энгүй, агуу сэтгэл, чадвар, авъяасыг нь илтгэдэг. Ямар ч магтаал багадах төрөлхийн өгөгдөлтэй гайхалтай жүжигчин. Аавтай минь адилхан харагддаг, хажуунаас нь харвал эндүүрмээр хүн байсан. Тамхиа нэрээд сууж байгаа нь бүр эмтэлчихдэг.
Сэтгэгдэл үлдээсэн: 2023-06-21 04:27:22

Цэцгээ: Ийм схан чадалтай жүжигчнээ гавьяатад тодорхойлж өгөөгүй удирдлагуудын л арчаагүйнх юмдаа.
Сэтгэгдэл үлдээсэн: 2023-06-20 22:01:40

Зочин: Манай аавтай мөн адилхан харагдана шү тоголсон кино нь гараасай гэж их хардаг да хөөрхий
Сэтгэгдэл үлдээсэн: 2023-06-20 20:39:46

Хөх Гүнсэн: Тиймээ энэ эгэл даруу хүн бүр сүүлдээ урлагаас гарч манай геологи хайгуулын ангид хүртэл ажиллаж байж билээ.Тэр киноны дууг нь Нармандах маань яг л хүний зүрх сэтгэлд хүргэж дуулсан даа .Сэдэд гуай их сайхан сэтгэлтэй эгэл даруу хүн байсан даа.
Сэтгэгдэл үлдээсэн: 2023-06-20 19:37:17

Иргэн: Мундаг жүжигчин. Цоохор морины наймаачин бас гоё. Эцсийн тушаал жүжгийн өвгөн бол хүний дотоод сэтгэл зүйг тултал үзүүлсэн даанч сайхан дүр. Хорвоо шударга бус гэдгийг хэлсэн дүр дээ. Гайхалтай..
Сэтгэгдэл үлдээсэн: 2023-06-20 17:42:08

Сараа: Энгийн даруухан хирнээ эгэлгүй гайхамшигтай сайн жүжигчин маш мундаг сайхан жүжигчин байжээ цаг тухайд нь шагналыг нь өгчихгүй сөн ч хөгийн шүү
Сэтгэгдэл үлдээсэн: 2023-06-20 16:26:47

баагий батсайхан: Сэдэд гуай намайг жаахан байхад манайхаар ирдэг байсан ээж маань ах ирлээ гээд л бөөн юм болдог байсан даа хөөрхий миний эмээтэй л хамаатан ах дүү байсан байх гэж боддог доо ээж маань сэдэд гуайг ганц хүүтэй гэж яриж байсанг санаж бна хүү нь байдаг юм болуу одооч бас нилээн настай хүн бх болуу
Сэтгэгдэл үлдээсэн: 2023-06-20 16:26:35

баагий батсайхан: Сэдэд гуай намайг жаахан байхад манайхаар ирдэг байсан ээж маань ах ирлээ гээд л бөөн юм болдог байсан даа хөөрхий миний эмээтэй л хамаатан ах дүү байсан байх гэж боддог доо ээж маань сэдэд гуайг ганц хүүтэй гэж яриж байсанг санаж бна хүү нь байдаг юм болуу одооч бас нилээн настай хүн бх болуу
Сэтгэгдэл үлдээсэн: 2023-06-20 12:21:15

Зочин : Ер нь энэ утгаа алдсан цол тэмдгээр яадаг юм.Хурмастын дайтай хөрөнгө байлаа ч хумсын чинээг ч аваад явахгүй.Үлгэрийн дайтай алдар байвч үхсэн хойноо тэврээд хэвтэхгүй
Сэтгэгдэл үлдээсэн: 2023-06-20 09:42:23

сануул: өглөө киноны цоохор морины наймаачин.
Сэтгэгдэл үлдээсэн: 2023-06-20 09:40:15

Baljaa: Eostoi howor jvjigchin mongol hvnii dvr torhiig vnen gargaj chadsan hvn
Сэтгэгдэл үлдээсэн: 2023-06-20 09:25:55

Нараа: Агуу жүжигчин дээ....
Сэтгэгдэл үлдээсэн: 2023-06-20 08:41:05

Ахмад: Үнэхээ гоё дүрүүд бүтээсээ саг сайн жүжигчин ш дээ..Яагад гавьяат өгөөгүйү одоо болтол гайхдаг...
Сэтгэгдэл үлдээсэн: 2023-06-20 08:40:38

Төрмөнх: Ард түмний сэтгэл зүрхэнд мөнхөрсөн алдарт жүжигчин маань Монголын тайз дэлэгцийн урлагт тодоос тод ялгаран гялалзсан авьяас алдарын алмаз байлаа. Үүнийг харах төрийн гэгээн мэлмий цаг үедээ даанч харалган гавьяат юун Ардын гэдгээр овоглогдсон ч алдраа даах агуу нэгэн буурал өвгөн Монгол эр хүн байсан даа
Сэтгэгдэл үлдээсэн: 2023-06-20 08:33:28

Зочин: Одооны энэ ардын, гавьяатууд гэдэгүүдийн дэргэд юү биш, гавьяаных нь тоо гүйцэхгүй болохоор нь өгөөгүй байх л даа. 300000000000 нүдтэй төр нь.

Шинэ мэдээ

Нийтлэлчид