"Шинэ үе" продакшны жүжигчин Д.Оюунтуул өнөөдөр Алтан гадас одонгоор энгэрээ мялаалж байна.

Тэрбээр Нийслэлийн 51 дүгээр дунд сургуулийг 1997 онд төгсөж, СУИС-д жүжигчний мэргэжлээр элсэн суралцаж байжээ.

Улмаар 2001 онд сургуулиа амжилттай төгсөж, анх "Овжин охид" уран сайхны кинонд Мишээлийн дүрийг бүтээж байсан гэдэг. Ийн сэргэлэн, цовоо дүрээрээ олны танил болж, өнөөдрийг хүртэл хошин урлагийн салбарт өөрийн өнгө төрхийг бүтээсэн чадварлаг жүжигчин болжээ.