Өчигдөр цахим сүлжээнд “Буудуулж, шархадсан байдалтай янгиртай таарлаа. Ойрын өдрүүдэд буун дуу их сонсогдоод байсан. Ийм сайхан амьтныг шархдуулаад алдсан бололтой. Баянгийн ууланд Гармын бууцны ойрхон замын хажууд босож чадахгүй хэвтэж байна. Шархадсан хөл нь хөлдсөн байна. Сумын удирдлагуудад хэлсэн” гэх мэдээллийг нэгэн иргэн оруулсан билээ.

Энэ талаар Төв аймгийн Баян-Өнжүүл сумын Засаг дарга Э.Наранцогтоос тодрууллаа.

Тэрбээр “Иргэний мэдээллийн дагуу холбогдох албан тушаалтнууд янгир байгаа газарт очсон. Тодруулбал, Экологийн цагдаагийн газар, Мал эмнэлгийн газраас очиж, шалгалтын ажиллагаа явуулахад тус янгир нь буудуулаагүй, чоно, нохойд хазуулсан шархтай байна лээ. Биднийг очиход янгир үхээд хоносон байсан” гэлээ.