• Өнөөдөр 2021-05-15

ЭМЯ: Сүүлийн 24 цагт 1015 иргэнээс коронавирус илэрч, долоон хүн нас барлаа

2021-05-04,   63

Эрүүл мэндийн яамнаас коронавирусийн нөхцөл байдлын талаарх ээлжит мэдээллээ өглөө.

Энэ үеэр Эрүүл мэндийн яамны хэвлэлийн зөвлөх Б.Ууганбаяр “Сүүлийн 24 цагт коронавирусийн 1015 шинэ тохиолдол бүртгэгдэж, улсын хэмжээнд батлагдсан тохиолдол нийт 40396 боллоо. Шинээр батлагдсан тохиолдлууд дунд эмнэлгийн ажилтан нэг, Энэтхэг-Улаанбаатар чиглэлийн тусгай үүргийн нислэгээр өнгөрсөн дөрөвдүгээр сарын 26-нд ирсэн 16 иргэн байна. Нийт 1015 тохиолдлын 895 нь Улаанбаатарт, 103 нь орон нутагт бүртгэгдсэн байна. Харин коронавирусийн улмаас хэвтэн эмчлүүлж байсан долоон иргэн нас барлаа. Мөн нэг иргэн өөр шалтгааны улмаас буюу бөөрний архаг дутагдлаар нас барсан. Ингэснээр нийт нас баралт 126 болж байна” гэв. Зөөвөрлөгдсөн тохиолдлуудын тухайд, дөрөвдүгээр сарын 26-нд Энэтхэг-Улаанбаатар чиглэлийн тусгай үүргийн онгоцоор ирсэн Энэтхэг улсын иргэдээс хоёр дахь удаагийн давтан шинжилгээний хариу эерэг гарч, онош батлагджээ. Батлагдсан тохиолдлууд Дорноговь аймагт тусгаарлагдаж байгаа аж.

Коронавирусийн халдварын улмаас нас барсан иргэдийн талаар тодруулбал,

81 настай эмэгтэй дөрөвдүгээр сарын 10-нд онош нь батлагдсан

80 настай эрэгтэй дөрөвдүгээр сарын 19-нд онош нь батлагдсан

69 настай эмэгтэй дөрөвдүгээр сарын 19-нд онош нь батлагдсан

57 эрэгтэй дөрөвдүгээр сарын 23-нд онош нь батлагдсан

66 настай эрэгтэй  дөрөвдүгээр сарын 24-нд онош нь батлагдсан

80 настай эмэгтэй дөрөвдүгээр сарын 25-нд онош нь батлагдсан

71 настай эмэгтэй дөрөвдүгээр сарын 30-нд онош нь батлагдсан

70 настай эрэгтэйдөрөвдүгээр сарын 26-нд онош нь батлагдаж, бөөрний дутагдлын улмаас нас баржээ.  

 

 

 


ЭМЯ: Сүүлийн 24 цагт 1015 иргэнээс коронавирус илэрч, долоон хүн нас барлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414