Эрүүл мэндийн яамны мэдээлснээр улсын хэмжээнд 2723 эх, 32943 хүүхэд коронавирусийн халдвартай авчээ. Одоогийн байдлаар 472 жирэмсэн эх, 2414 хүүхэд эмнэлэгт хэвтэн эмчлүүлж байгаа аж.

    Мөн улсын хэмжээнд 14 мянган орыг коронавирусийн эмчилгээнд ашиглаж байгаа тухай өмнө мэдээлсэн. Тэгвэл өчигдрийн байдлаар 9924 хүн эмнэлэгт хэвтэн эмчлүүлж байгаа юм. Энэ нь эмнэлэгт хэвтэн эмчлүүлэгсдийн тоо буурч, эмнэлгийн ачаалал буурсныг харуулж байна.

Эмнэлэгт хэвтэн эмчлүүлж буй иргэдийн биеийн байдал

• Хөнгөн – 5937
• Хүндэвтэр - 2846
• Хүнд - 934
• Нэн хүнд – 207 иргэн байна.

Харин улсын хэмжээнд гэрийн хяналтад 12281 хүн байгаа аж.