Тусгаарлалтын үед бүх зүйл өөрчлөгдсөнөөр танд давчидсан, яахаа мэдэхээ байх мэдрэмж төрж байж мэднэ. Тийм үед дараах долоон зөвлөгөөг хэрэгжүүлээд үзээрэй.

ХҮЛЭЭЛТЭЭ УДИРД

Зохиолчдын мөрөөддөг тусгаарлалттай энэхүү үйл явдал адилгүй. Тусгаарлалтын үеийн ихэнх зөвлөмж таныг “Бүтээлч байдлаа бүү алд, харин ч өсгө” хэмээн зөвлөсөн байдаг. Тийм хэдий ч тахлын үед бидний сэтгэц болон мэдрэмжид өгч буй ачааллыг дутуу үнэлж болохгүй. Цар тахлын энэ үе бидний бүтээх чадварт нөлөөлж буй нь үнэн бөгөөд энэхүү нөлөө нь хамгийн багадаа богино хугацаанд мэдрэгдэж байна. Анхаарал төвлөрөхөд хэцүү болж, идэвхжүүлэлт буурч, бүхий л зүйл тээртэй санагдаж байж мэднэ. Үүнд дасан зохицоход цаг хугацаа шаардлагтай. Алсын зайнаас ажиллах шинэ хэмнэл болон тусгаарлалтын үед бид өөртөө болон бусдад зөөлөн хандаж, бодит зорилго, шаардлага тавих хэрэгтэй.

СТРЕССИЙНХЭЭ “МУРУЙ”-Г ИДЭВХТЭЙГЭЭР ХЯНААРАЙ

Сэтгэцийн эрүүл мэнд болон амгалан байхын хамгийн чухал суурь бол нойроо чухалчлах болон зөв нойрны хэмнэлтэй байх. Жишээлбэл, унтахаас өмнө хөх өнгийн гэрлээс зайлсхийж, унтах болон сэрэх цагаа нарийвчлан тогтоох нь зүйтэй. Сайн идэж, алкохолын түвшинг хяналттай байх нь стрессээс урт хугацаанд сэргийлэхэд тустай. Мөн дасгал хийх нь стрессийн түвшинг бууруулж, сэтгэл хөдлөлөө зохицуулж, сайн нойртой хоноход тустай.

ӨӨРИЙНХӨӨ ХЯЗГААРЫГ МЭДРЭХ

Стрессээ бууруулах өөр нэгэн тустай арга бол өөрийг тань стрессдүүлдэг түлхүүр бодлуудаа тодорхойлох. Стрессдэхэд үүсдэг биеийн хэлэмжээ судалж, ямар үед давчдаж, цухалдаж байна гэдгээ олоод удирдах гэж хичээх хэрэгтэй.

Бидний бодлууд, (Миний анхаарал яагаад төвлөрөхгүй байна вэ) Мэдрэмжүүд, (уур уцаар, санаа зовнил, уйтгар гуниг) биеийн мэдрэхүй (түгшүүр, ходоод, унтууцах, чичрэх) болон үйлдэл (сүүлийн үеийн коронавирусийн статистик мэдээллийг шалгах) зэрэг нь сөрөг сэтгэлийн хөдөлгөөнийг бий болгодог. Өөрийн тань цухалдуулж буй зүйлсийг нэг бүрчлэн тодорхойлж биед тань үзүүлж буй шинж тэмдгээ идэвхтэйгээр бууруулах хэрэгтэй. Жишээлбэл, амьсгалын дасгал хийж болно. Дөрөв хүртэл тоолж амьсгаа аваад дөрвөн секунд бариад, ахиад дөрвөн секунд гаргаж, дөрвөн секунд барина. Үр дүнд нь та өөрийгөө хянах чадвартай болох боломжтой.

ДАДАЛ БОЛ ТАНЫ САЙН НАЙЗ

Энэ нь уур уцаараа барихад тусалж, шинэ бодит байдалд хурдан дасахад тань тусална. Ажлын болон ажлын бус цагийн заагийг нарийн тодорхойлж, толгойдоо ч ажиллах, амрах цагаа нарийн тодорхойлоорой. Ажлаас бус үедээ цар тахалтай холбоогүй, өөрийг тань аз жаргалтай болгодог зүйл хийгээрэй. Ажлынхаа дундуур цагийн менежменттэй завсарлага авах нь бодлоо цэгцлэх боломжийг танд олгоно.

ӨӨРТӨӨ БОЛОН БУСДАД ЭНЭРЭНГҮЙ ХАНД

Бидний хянаж чадахгүй цар тахлын үед нэгэнтэйгээ харилцаа тогтоох нь чухал. Энэхүү цаг үед хүчтэй бодол орж ирсэн ч “би чадахгүй, энэ хэтэрхий хэцүү” гэх мэт сөрөг бодлууд орж ирэх нь олонтаа. Энэ цаг үе бид өөрсдийн хамгийн сайнаар байж чадахгүй үе учир нэг нэгэндээ сайхан харьцаж, туслалцаа авч байгаарай.

ХОЛБОО ХАРИЛЦААГАА ХАДГАЛААРАЙ

            Ихэнх интровертуудэд хүртэл харилцаа холбоо хэрэгтэй байдаг. Харилцаа бүх хүний сэтгэц болон биеийн эрүүл мэндэд чухал нөлөөтэй. Энэ үед маш олон ажлын газрууд виртуал хэлбэрээр харилцаж буй билээ. Зөвхөн ажлын орчинтойгоо харьцахаас гадна онлайн кофе клуб, онлайн номын клуб зэрэг шинэ клубд элсэх нь бусад хүний оршихуйг мэдэрч,  тусгаарлалтад буй ч ганцаардах мэдрэмжийг авах шаардлагагүй болно. Мөн энэ хэцүү цаг үед ганцаардаж буй нэгэн рүү залгаж мэнд мэдээрэй.

ТОДОРХОЙ БУС ЦАГ ҮЕИЙГ ОДОО ЦАГТАА БАЙЖ УДИРДААРАЙ

Өдөр бүр өөрийнхөө удирдаж чадах зүйлсэд анхаарал хандуулаарай. Ухаалаг байхыг хичээж, бясалгал хийх нь нэн тустай. Дэлхий нийтээр стрессдсэн цагийг туулж буй учир судалгааны байгууллагуудын туршлага, зөвлөгөөг харж, судлаарай. Гэхдээ сэтгэцийн эрүүл мэндээ амар амгалан байлгах, хэрэгтэй цагт нь бусдад найдаж, тусламж авч, өөрсдийгөө болон эргэн тойрноо хамгаалах нь чухал шүү.