Эрүүл мэндийн яамны хурлын үеэр Сонгинохайрхан дүүргийн Нэгдсэн эмнэлгийн Эрүүл мэндийн тусламж үйлчилгээ, чанар, аюулгүй байдлын албаны дарга Д.Зулаа оролцож мэдээлэл өглөө.

Тэрбээр "Сонгинохайрхан дүүргийн нэгдсэн эмнэлэг нь Эрүүл мэндийн сайдын тушаалаар коронавирусийн 200 орыг дэлгэн ажиллаж байна. Үүнээс 20 нь эрчимт эмчилгээнийх, 180 нь энгийн ор байгаа юм. Өнөөдрийн байдлаар Сонгинохайрхан дүүргийн хэмжээнд хэвтсэн нийт 8142 иргэний 3793-д коронавируст халдварын үеийн эмнэлгийн тусламжийг үзүүлсэн байна.

Мөн манай эмнэлэг зургадугаар сарын 10-наас эхлэн коронавирусийн улаан бүс энгийн тасагт шилжсэн бөгөөд одоогийн байдлаар 16 эмч, 22 сувилагч, асрагч гээд нийт 66 ажилтантайгаар тусламж үйлчилгээг үзүүлж байгаа. Харин манай дүүргийн нэгдсэн эмнэлэгт нийт 13380 хүн нэгдүгээр тун хийлгэсэн бол хоёрдугаар тунг 16581 хүн хийлгэж, гуравдугаар тунд 6259 хүн хамрагдсан.

Мөн мэдрэлийн болон сэргээн засах, уламжлалт, мэс заслын чиглэлээр өдрийн эмчилгээ хийж байна. Түүнчлэн бид энэ оны аравдугаар сарын 11-нээс геомодиализийн таван ортой тасгийг нээн ажиллуулж эхэлсэн. Мөн  манай эмнэлэг анх удаа дүүргийн хэмжээнд өндөр давтамжит радио долгионоор хавдрын түлэх эмчилгээ болон хамрын уян дуранг нэвтрүүлэн ажиллаж байна" гэв.