Гурван метрийн гүнтэй дулааны шугам сүлжээний худагт хүүхэд унасан осол гарчээ. Тодруулбал, өчигдөр 08:15 цагт Орхон аймгийн Баян-Өндөр суманд дулааны шугам сүлжээний худагт бага насны хүүхэд унасан тухай дуудлага Онцгой байдлын газарт очсон байна.

    Дуудлагын дагуу тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид очиход хоёр настай, эрэгтэй хүүхэд дулааны шугам сүлжээний гурван метрийн гүнтэй худагт унасан байсныг найман минут ажиллаж эсэн мэнд гарган Цагдаагийн байгууллагад хүлээлгэн өгсөн гэж ОБЕГ-аас мэдээллээ.