Иргэд болон аж ахуйн нэгжийн ачаа, тээвэр хил гааль дээр гацсан асуудал бүрэн арилсан гэж Улаанбаатар хотын гаалийн газраас мэдээллээ. Улаанбаатар хотын гаалийн газраас ачаа барааны эргэлт, зарим терминалуудын нөхцөл байдлын талаар мэдээлэл өглөө. Улсын хэмжээнд хатуу хөл хорио тогтоосонтой холбогдуулан иргэд, зарим ААН-ийн барааны бөөгнөрөл гааль, хяналтын бүсүүдэд үүссэн байсан. 

 

Үүнтэй холбогдуулан гаалийн байгууллага энэ сарын 6-наас эхлэн ирэх зургаадугаар сарын 30-ныг хүртэл уртасгасан цагаар ажиллаж байгаа юм. Ачаа, тээврийн бөөгнөрлийн байдал арилж, хэвийн байдалдаа шилжсэн. Эхний долоо хоногт 1200 хүртэл гаалийн бүрдүүлэлт хийж, бараа тээврийг олгож байсан гэдгийг Улаанбаатар хотын гаалийн газраас мэдээллээ.