Тулгар төрийн 230, Ардын хувьсгалын 100 жилийн ойг тохиолдуулан Монгол Улсын Ерөнхийлөгч зарлиг гарган, эрхэлсэн ажилдаа идэвх, санаачилагтай ажиллаж, бусдыгаа манлайлсан хүмүүст төрийн дээд одон медаль гардуулж байна. Энэ үеэр Монгол Улсын гавьяат эдийн засагч цолоор Монгол банкны Ерөнхийлөгч Б.Лхагвасүрэнг шагнасан юм.

     Гавьяат эдийн засагч Б.Лхагвасүрэн Монгол банкны Дэд Ерөнхийлөгч, Хадгаламжийн Даатгалын Корпораци, Гүйцэтгэх захирал, Монголын Банкны Холбоо, Дэд Ерөнхийлөгч, Монгол банк, Хяналт шалгалтын газрын захирал, Монгол банк, Бүртгэл тооцоо, мэдээлэл технологийн газрын захирал​, Монгол банкны Ерөнхийлөгчийн зөвлөх, Дэлхийн банк, Вашингтон дахь Зүүн хойд Ази, Номхон далайн орнуудын санхүүгийн секторын Зөвлөх, Монгол банкны Хяналт шалгалтын газрын захирал, Монгол банкны Мөнгөний бодлогын газар, Ахлах эдийн засагч, Шинжлэх Ухааны Эдийн Засгийн Хүрээлэн, Эрдэм шинжилгээний ажилтнаар ажилласан байна.