Жүжигчин А.Цэгмэдийг Монгол Улсын Гавьяат жүжигчин цолоор шагналаа. Тэрбээр, гавьяат жүжигчин цолоор шагнуулсан сэтгэгдлээ хуваалцахдаа “Би урлаг, спорт хоёртой амьдралаа холбоод 50 гаруй жил болж байна. Энэ хөдөлмөрийг минь үнэлж, өнөөдөр гавьяат жүжигчин цолоор шагнуулж байна. Урлагийн бурхад минь, үзэгч олны минь хүсэл өнөөдөр биелж байна. Тэнгэрт буй ээж минь харж, бахархаж суугаа байх. Төр засгаас олгосон энэ хүндтэй шагнал, итгэлийг улам өндөрт өргөж, эцсийн амьсгалаа зогсох хүртэл урлагт зүтгэнэ” гэлээ.