Жүжигчин Д.Ганцэцэгт Монгол Улсын Гавьяат жүжигчин цол олголоо.

Шинэхэн Гавьяат жүжигчин Д.Ганцэцэг “Хийсэн уран бүтээл, ажил, хөдөлмөрийг минь үнэлж, төрийн дээд одон, медалиар шагнаж буйд сэтгэл их хөдөлж байна. Түмэн олныхоо хайр, итгэлийг дааж, ажил, хөдөлмөрөөрөө манлайлан, илүү хичээх болно. С.Болд-Эрдэнэ бид хоёр театрт байхдаа олон уран бүтээлд хамтарч ажиллаж байсан. Мөн бид  хоёр “Хоёулаа Мэндээ эгч, Жаамаа ах хоёр шиг Гавьяат жүжигчин цолоо хамт авч, Сүхбаатарын хөшөөний гинжин дээр нэг жүжгийнхээ хэсгээс хамт тоголно” гэж ярьдаг байсан. Тэр ярьсан зүйл минь өнөөдөр биелж, С.Болд-Эрдэнэ бид хоёр хамтдаа Гавьяат жүжигчин цолоор шагнуулж байна” гэлээ.