Шударга өрсөлдөөн хэрэглэгчийн төлөө газраас  нийгэмд тулгамдаж буй 76 асуудлыг УИХ-ийн гишүүдтэй хамтран шийдвэрлэх ажлыг өнгөрсөн хоёрдугаар сард эхлүүлсэн. Үүний нэг болох “Хүүхэд хэрэглэгч” хэмээх сэдэв, асуудалд Гэр бүлийн элч, “Хөөрхөн дэлхий” төрийн бус байгууллагын тэргүүн Ч.Уранхолбоо байр сууриа илэрхийлж, дуу хоолойгоо нэгтгэхээр болжээ. Энэ талаар тэрбээр өөрийн цахим хуудаснаа “ШӨХТГ-ын дарга Б.Бат-Эрдэнэтэй “Хүүхэд хэрэглэгч” сэдвийн хүрээнд ярилцлаа.

Хүүхэд бол хамгийн эрхэм, нандин хэрэглэгч учраас тэдний эрх ашиг зөрчигдөж байгаа юу, хүнсний аюулгүй байдлыг хангаж чадаж байна уу гэдэг асуудал дээр хяналт шалгалт тавихаар, тавдугаар сарын 31-ний өдөр Б.Бат-Эрдэнэ даргын ажил үүргийн нэг өдөр орлон ажиллахаар боллоо. Ээжүүд та нар минь хамт байгаарай” гэжээ.