Баян-Өлгий аймгийн Өлгий суманд хүчтэй шороон шуурганы улмаас айл, барилга, байгууламжийн дээвэр хууларчээ. Тодруулбал тавдугаар сарын 24-ний өдөр хүчтэй шороон шуурганы улмаас нэг өрхийн гэр, биеийн тамир, спортын заал, улсын нөөцийн салбар, хоёр орон сууц болон гурван айлын байшингийн дээвэр хууларсан байна.

Тус аймгийн Онцгой байдлын газрын Эрэн хайх, аврах бүлгийн алба хаагчид байгууллага, орон сууц болон айлын байшингийн хууларсан дээврийн мод, төмрийг холдуулах, нурсан айлын гэрийг хураах зэрэг ажлуудыг хийж байна гэж ОБЕГ-аас мэдээллээ.