Эрүүл мэндийн яамнаас коронавирусийн тархалтын талаарх ээлжит мэдээлэл хийлээ. Энэ үеэр Эрүүл мэндийн яамны Хэвлэл мэдээлэл, олон нийттэй харилцах, зөвлөх Б.Ууганбаяр “Өнгөрсөн 24 цагийн байдлаар 630 хүнээс коронавирусийн халдвар илэрч, таван хүн нас барлаа.

   Өнгөрсөн хоногт халдвар авсан иргэдийн 49 нь хөдөө орон нутагт, 581 нь нийслэлээс бүртгэгдлээ. Дархлаажуулалтын хоёрдугаар тунд хамрагдсан 775940 хүний 0.44 хувь нь халдвар авсан байна. Коронавирусийн эсрэг дархлаажуулалтын хоёрдугаар тунд нийслэлд 590874 хүн, орон нутагт 185066 иргэнийг хамруулсан” гэлээ.