Хөдөө, орон нутаг руу зорчих хөдөлгөөнийг өнөөдөр буюу тавдугаар сарын 22-ны 06:00 цагт иргэдийн нээгээд байгаа. Монгол Улсын Шадар сайдын 46 дугаар тушаалын дагуу иргэд дараах шаардлагыг хангасан байна.
-
Дархлаажуулалтын бүрэн тун / II тун/ хийлгэсний дараа 14 хоносон гэх нотлох баримт шаардлагатай. Энэ тохиолдолд PCR-ын шинжилгээ шаардахгүй.
-
Сүүлийн дөрвөн сарын хугацаанд коронавирусийн халдвараар өвдөж, эдгэрсэн бол эмчийн магадлагаа шаардлагатай. Эмчийн магадлагааг эмнэлэгт хэвтэн эмчлүүлсэн бол эмнэлгээс, гэрээр эмчлүүлсэн бол Өрхийн эрүүл мэндийн төвөөс авна.
-
0-17 насны хүүхдээс шинжилгээ шаардахгүй боловч шинж тэмдэг илэрсэн тохиолдолд түргэвчилсэн шинжилгээ хийнэ
-
Бусад тохиолдолд буюу вакцины бүрэн тунд хамрагдсан ч 14 хоног болоогүй, хүндэтгэн үзэх шалтгаанаар вакцинд хамрагдаагүй иргэдийн хувьд PCR-ын шинжилгээ /72 цаг хүчинтэй/ эсхүл түргэвчилсэн шинжилгээ /48 цаг хүчинтэй/ шаардана. Мөн шинжилгээ өгч явж байгаа иргэд, 0-17 насны хүүхэд очсон газраа гэрийн ажиглалтад долоо хоног байна гэж УОК-ын Шуурхай штабаас мэдээллээ.
| ТАНИЛЦ: Орон нутаг руу зорчих иргэдэд тавих шаардлага |
|
