УОК-ын шуурхай ажлын хэсэг өнгөрсөн пүрэв гарагт хуралдаж, тавдугаар сарын 22-ны өдөр буюу өнөөдрөөс зургаан салбар, чиглэлийн үйл ажиллагааг нээхээр шийдвэрлэсэн. Үүнд:

 

• Хот болон орон нутаг хооронд иргэдийн зорчих хөдөлгөөнийг өнөөдрөөс нээж байна. Вакцины давтан тун хийлгээд 14-өөс дээш хоносон иргэн ямар нэг хязгаарлалтад орохгүй, PCR болон түргэвчилсэн шинжилгээ өгөхгүй орон нутаг руу зорчиж болно. 0-17 насны хүүхдээс шинжилгээний бичиг шаардахгүй. 

 

• тавдугаар сарын 22-ноос эхлэн вакцины давтан тун хийлгээд 14 хоногоос дээш хоносон иргэн ямар нэг хязгаарлалтад орохгүй, PCR болон түргэвчилсэн шинжилгээ өгөхгүй орон нутаг руу зорчиж болно. 0-17 насны хүүхдээс шинжилгээний бичиг шаардахгүй.

 

• Нийслэлийн есөн том зах, худалдааны төвүүдийн барааны тасгуудын үйл ажиллагааг нээнэ. 

 

• Хоол үйлдвэрлэгчид болох ресторан, кафе, сүлжээ хоолны газрууд вакцины давтан тун хийлгэж 14-өөс дээш хоносон иргэдэд заалны 50 хувийн дүүргэлттэйгээр үйлчилж болно.

 

• Зочид буудал, дэн буудлууд ажиллана.

 

• Амралтын газар, жуулчны баазууд гэр бүлийн хүрээнд үйлчилнэ.

 

• Сауныг үйлчлүүлэгчдийн 50 хувийн дүүргэлттэйгээр ажиллуулж болно.

 

Ингэснээр үйлчилгээний байгууллагуудын 83 хувь нь хаалгаа нээж байгаа юм. Харин улсын хэмжээнд есөн төрлийн үйл ажиллагааны салбарыг эрсдэлтэй учир хязгаарласан хэвээр байна. УОК-иос зургаадугаар сарын 2-нд дахин эрсдэлийн үнэлгээ хийсний дараа нээх, эсэхийг шийдвэрлэнэ.