“Хөдөө аж ахуйг дэмжих” 500 тэрбум төгрөгийн зээл авахаар 3438 малчин энэ сарын 14-ний байдлаар хүсэлт ирүүлснээс 2146-д нь зээл олгожээ.

 

Зээлийн хэмжээний хувьд, 53.3 тэрбум төгрөгийн хүсэлт ирснээс 29.9 тэрбум төгрөгийг нь олгосныг ХХААХҮЯ мэдээлэв. Малчдыг дэмжих энэ зээл жилийн гурван хувийн хүүтэй, гурван жилийн хугацаатай бөгөөд малчин, мал бүхий этгээдэд 50 сая төгрөг хүртэл хэмжээгээр энэ оны арванхоёрдугаар сарын 31-нийг дуустал олгох зохицуулалттай аж.