НҮБ-ын Хүүхдийн Сан, БНСУ-ын Имарт, ChildFund Korea болон Баянзүрх дүүргийн ЗДТГ-ын хамтын санхүүжилтээр Баянзүрх Дүүргийн 64-р цэцэрлэгийн шинэ өргөтгөл барилга өнөөдөр албан ёсоор нээлтээ хийлээ. Нээлтийн арга хэмжээнд Боловсролын сайд П.Наранбаяр, НҮБ-ын Хүүхдийн Сангийн Суурин төлөөлөгч Э.Коуасси-Комлан, Имарт (Скай Хайпермаркет ХХК)-ийн Гүйцэтгэх захирал Л.Жавзмаа, Хамтын ажиллагаа хариуцсан захирал Юн Ён Гиль, ChildFund Korea байгууллагын удирдлагууд болон тус сургуулийн багш, төлөөлөгчид оролцлоо. Энэхүү хөрөнгө оруулалт нь зорилтот бүлгийн хүүхдүүдийн хүртээмжийг нэмэгдүүлж, тэдний суралцах, хөгжих эрхийг бодитоор хангах алхам болж байна. Тус барилга ашиглалтанд орсноор БЗД-ийн Хонхор орчимын 115 гаруй хүүхэд энэ хичээлийн жилээс эхлэн уур амьсгалын өөрчлөлтөд тэсвэртэй, аюулгүй, хүртээмжтэй орчинд чанартай сургуулийн өмнөх боловсрол эзэмших боломж бүрдэж байна. 1,800 м² талбайд баригдсан 3 давхар барилга нь: • Уужим анги танхим • Дотор тоглоомын орчин • Нарны эрчим хүч • Агааржуулалт, стандартын гал тогоо зэрэг шийдлээр тоноглогдсон бөгөөд уур амьсгалын сорилтыг даван туулах бүтээл болж байна. Энэ төслийг хэрэгжүүлэхэд чин сэтгэл, бодит хөрөнгө оруулалтаар дэмжсэн БНСУ-ын Имарт, мөн Монголын хүүхдийн сайн сайхны төлөө олон жил тууштай ажиллаж ирсэн ChildFund Korea, UNICEF, Боловсролын яам–д гүн талархал илэрхийлье!МОНГОЛ ХҮН ТА 100 НАСЛАГ