2025-2026 оны хичээлийн жилийн нийслэлийн цэцэрлэгийн хоёрдугаар шатны цахим бүртгэл маргаашаас буюу наймдугаар сарын 4-ний өдрөөс эхэлж, наймдугаар сарын 18-ныг дуустал “E-Mongolia” системээр дамжуулан явагдана. Энэ хичээлийн жилд улсын хэмжээнд 278.290 хүүхдийг сургуулийн өмнөх боловсролд хамруулах шаардлагатай байгаа бол үүнээс 135,582 хүүхэд нь зөвхөн нийслэлд харьяалагдаж байна. Насны ангиллаар авч үзвэл:

2 настай-30.304

3 настай-31.843

4 настай- 35.698

5 настай-37.837 хүүхэд байна.

Цахим бүртгэлд хамрагдах иргэд дараах зүйлсийг заавал анхаарах шаардлагатай:

•  Өөрийн болон хүүхдийн хаягийн бүртгэл, мэдээллийг нягталж, баталгаажуулсан байх;
•  Хүүхэд өмнөх жилд цэцэрлэгт хамрагдсан бол тухайн цэцэрлэгтээ “Үргэлжлүүлж явах” эсэхийг сонгох;
•  Шилжилт хөдөлгөөн хийж буй бол 2025 оны наймдугаар сарын 15-ны өдрөөс өмнө баталгаажуулсан байх ёстой.
• Бүртгэлийн явц цахимаар явагдах тул E-Mongolia аппликэйшн болон вэб сайтаар дамжуулан мэдээлэл авах, бүртгүүлэх боломжтой. Цэцэрлэгийн хүртээмж, багтаамжтай холбоотойгоор иргэдийг бүртгэлдээ хариуцлагатай хандаж, шаардлагатай мэдээллийг урьдчилан бүрдүүлэхийг холбогдох байгууллагууд анхааруулж байна.